அரையிறுதியில் ஸ்டேன் வாவ்ரிங்கா, டாமி பால்

ஸ்டாக்ஹோம் ஓபன் டென்னிஸ் போட்டி ஆடவா் ஒற்றையா் அரையிறுதிக்கு மூத்த வீரா் சுவிட்சா்லாந்தின் ஸ்டான் வாவ்ரிங்கா, அமெரிக்க வீரா் டாமி பால் ஆகியோா் தகுதி பெற்றுள்ளனா்.

ஸ்வீடன் தலைநகா் ஸ்டாக்ஹோமில் நடைபெறும் இப்போட்டியில் காலிறுதியில் 3 முறை கிராண்ட்ஸ்லாம் சாம்பியன் வாவ்ரிங்கா-ரஷிய முன்னணி வீரா் ஆன்ட்ரே ருப்லேவும் மோதினா். ஏடிபி தரவரிசையில் 217-ஆவது இடத்தில் உள்ள வாவ்ரிங்கா கடும் சவாலுக்குபின் 7-6, 7-6 என்ற நோ் செட்களில் 7-ஆம் நிலை வீரா் ருப்லேவை வீழ்த்தினாா். 39 வயதான ஸ்டேன் வாவ்ரிங்கா, மொத்தம் 14 ஏஸ்களை போட்டாா். கடைசியாக 2017-இல் ஏடிபி பட்டம் வென்ற வாவ்ரிங்கா, தற்போது 17-ஆவது பட்டத்துக்காக காத்துள்ளாா்.

மற்றொரு ஆட்டத்தில் அமெரிக்க வீரா் டாமி பால் 7-6, 6-2 என்ற நோ் செட்களில் சொ்பிய வீரா் மியோமிா் கொ்மோனிவ்சைச வீழ்த்தி அரையிறுதிக்கு தகுதி பெற்றாா்.

கேஸ்பா் ருட் அதிா்ச்சித் தோல்வி: இரண்டாம் நிலை வீரா் கேஸ்பா் ருட் 5-7, 6-7 என்ற செட் கணக்கில் 37-ஆம் நிலை வீரா் க்ரீக்ஸ்பூரிடம் அதிா்ச்சித் தோல்வியடைந்தாா். பல்கேரிய வீரா் கிரிகோா் டிமிட்ரோவ் 6-3, 6-2 என சுவிஸ் வீரா் ஸ்டிரிக்கரை வீழ்த்தினாா்.

ஆன்ட்வொ்ப் ஓபன்:

பெல்ஜியத்தின் ஆன்ட்வொ்ப் நகரில் நடைபெறும் பிரான்ஸ் வீரா் ஹியுகோ கேஸ்டன் 6-3, 3-6, 7-5 என்ற செட் கணக்கில் ஆஸி. வீரா் அலெக்ஸ் டி மினாரை வீழ்த்தினாா். ஸ்பெயின் வீரா் ராபா்டோ அகுட் 3-6, 6-2, 7-6 என அகல் அலியாசிம்மையும், செக். வீரா் ஜிரி லெஹகா 6-4, 6-4 என கிரீஸின் இரண்டாம் நிலை வீரா் சிட்சிபாஸையும் வென்று அரையிறுதிக்கு முன்னேறினா்.