காஞ்சிபுரம் வரதராஜப் பெருமாள் கோயிலில் தெப்பத்திருவிழா

காஞ்சிபுரம் வரதராஜப் பெருமாள் கோயிலில் தெப்பத்திருவிழாவையொட்டி, புதன்கிழமை பெருந்தேவித் தாயாரும், உற்சவா் வரதராஜப் பெருமாளும் தெப்பத்தில் பவனி வந்து பக்தா்களுக்கு அருள்பாலித்தனா்.

காஞ்சிபுரம் வரதராஜப் பெருமாள் கோயிலில் தெப்பத் திருவிழா புதன்கிழமை தொடங்கி வெள்ளிக்கிழமை வரை 3 நாள்கள் நடைபெறுகிறது. முதல் நாளாக கோயிலிலிருந்து ஸ்ரீதேவி, பூதேவி தாயாருடன் உற்சவா் வரதராஜப் பெருமாள் சந்நிதி தெருவில் உள்ள ஆஞ்சனேயா் சந்நிதிக்கு சென்றாா். பின்னா், திரும்பி ஆலயம் வந்து நுழைவுவாயிலில் பெருந்தேவித் தாயாரையும் அழைத்துக் கொண்டு அனந்தசரஸ் தெப்பக் குளத்துக்கு வந்து வண்ண மின் விளக்குகளால் அலங்கரிக்கப்பட்டிருந்த தெப்பத்துக்கு எழுந்தருளினா்.

அனந்தசரஸ் தெப்பக்குளத்தில் அத்திவரதா் எழுந்தருளப்பட்டுள்ள நீராழி மண்டபத்துக்கும் மற்றும் குளத்திற்கு நடுவில் உள்ள மற்றொரு நீராழி மண்டபத்தையும் தெப்பத்தில் அமா்ந்தவாறு 3 முறை வலம் வந்து பக்தா்களுக்கு அருள்பாலித்தனா்.

தெப்பத் திருவிழாவையொட்டி, வாண வேடிக்கைகளும் நடைபெற்றன. தெப்பத்திலிருந்து மீண்டும் கோயில் திரும்பியதும் சிறப்பு தீபாராதனைகள் நடைபெற்றன.விஷ்ணுகாஞ்சி காவல் நிலைய ஆய்வாளா் சங்கர சுப்பிரமணியன் தலைமையில் பலத்த போலீஸ் பாதுகாப்பு ஏற்பாடுகளும், மாவட்ட உதவி தீயணைப்பு அலுவலா் சங்கா் தலைமையில் தீயணைப்பு வீரா்களும் பாதுகாப்பு பணியில் ஈடுபட்டிருந்தனா்.

விழாவுக்கான ஏற்பாடுகளை கோயில் செயல் அலுவலா் (பொறுப்பு)ஆா்.ராஜலட்சுமி தலைமையில் கோயில் மணியக்காரா் கிருஷ்ணகுமாா் மேற்பாா்வையில் கோயில் பட்டாச்சாரியாா்கள், பணியாளா்கள் செய்திருந்தனா்.