திருவள்ளூா் மாவட்ட அளவிலான 4-ஆவது புத்தகத் திருவிழா நிறைவு நாளான திங்கள்கிழமை இரவு சிந்தனை அரங்கத்தில் புத்துலகின் திறவுகோல் புத்தகம் என்ற தலைப்பில் கவிப்பேரரசு வைரமுத்து பங்கேற்று கருத்துரை வழங்கிய நிகழ்வில் பாா்வையாளா்கள் மற்றும் புத்தக ஆா்வலா்கள் திரளாக பங்கேற்றனா்.
திருவள்ளூா் மாவட்ட நிா்வாகம் மற்றும் பொதுநூலகத் துறை இணைந்து நடத்திய 4-ஆவது புத்தகக் கண்காட்சி சி.வி.என்.சாலையில் கடந்த 7-ஆம் தொடங்கி, தொடா்ந்து 17-ஆம் தேதி வரையில் நடைபெற்றது. இவ்விழாவையொட்டி 115 அரங்குகளில் ஆயிரம் தலைப்புகளில் ஒரு லட்சத்துக்கும் மேற்பட்ட புத்தகங்கள் இடம் பெற்றிருந்தது. இதை பொதுமக்கள் மற்றும் புத்தக ஆா்வலா்கள் ஆகியோா் குடும்பங்களுடன் வந்து ஆா்வத்துடன் புத்தகங்களை வாங்கிச் சென்றனா்.
இந்த நிலையில் புத்தக கண்காட்சி சிந்தனை அரங்கத்தில் திங்கள்கிழமை இரவு நடைபெற்ற நிகழ்ச்சிக்கு ஆட்சியா் மு.பிரதாப் தலைமை வகித்தாா். மாவட்ட வருவாய் அலுவலா் ராஜ்குமாா் முன்னிலை வகித்தாா். அதைத் தொடா்ந்து புத்துலகின் திறவு கோல் என்ற தலைப்பில் கவிப்பேரரசு வைரமுத்து பங்கேற்று கருத்துரை வழங்கினாா். அதைத் தொடா்ந்து அவா் செய்தியாளா்களிடம் கூறியதாவது. மும்மொழிக் கொள்கை என்பது அனைத்து மாநிலங்களுக்கும் பொருந்தாது என்றும், ஆனால் இருமொழி கொள்கை என்பது இந்தியாவுக்கே பொருந்தும் என்பதுதான் என் கருத்தாகும். ஏனென்றால் இரு மொழி கொள்கை என்றால் அனைத்து தேசிய இனங்களின் தாய் மொழியும் காப்பாற்றப்படும். பிறகு உலகத்தோடு தொடா்பு கொள்ள ஆங்கிலம் என்ற துணைமொழியும் பாதுகாக்கப்படும். எனவே இந்த இரு மொழிகளையும் கற்றுக் கொண்டால், இந்தியாவுக்கே பொருத்தமான ஒரு மொழிக் கொள்கையாக அது இருக்கும். மும்மொழி கொள்கை என்பது சிலருக்கு பாதிப்பு, பலருக்கும் பாதிப்பு என்பதாகத்தான் முடியும்.
எனவே முன்னாள் அமைச்சா் சிதம்பரம் கூறுவதுபோல் வட இந்தியாவில் ஒரு மொழிக் கொள்கைதான் இருக்கிறதே தவிர மும்மொழிக் கொள்கை என்பது கிடையாது. இரு மொழிக் கொள்கை இல்லை. தாய்மொழியில் மட்டுமே அவா்கள் படித்துக் கொண்டிருக்கிறாா்கள். ஆனால் தமிழா்கள் தாய் மொழியோடு ஆங்கிலத்தையும் படித்துக் கொள்வதால், உலகத்தை ஆள்கிறாா்கள். எனவே தாய்மொழியின் கருத்துக்களை ,தாய் மொழியின் பெருமைகளை உயா்த்திப் பிடிப்பதற்கு இரு மொழி கொள்கைதான் இயல்பானதும் ஏதுவானதுமாகும்.
வள்ளுவன் தன்னை உலகிற்கே தந்து வான்புகழ் கொண்ட தமிழ்நாடு என்று பாரதியால் பாடப்பட்ட திருக்கு தான் சென்று சேர வேண்டிய தூரத்தை இன்னும் அடையவில்லை என்பது எங்கள் கருத்தாகும். அந்தக் கருத்தை சரி செய்யும் விதமாகவும், இன்னும் ஊட்டம் சோ்க்கும் வகையிலும் தமிழக முதல்வா் திருக்குறளை பல மொழிகளில் மொழிபெயா்க்க ஆணையிட்டதோடு, அதற்கு நிதியும் ஒதுக்கி இருக்கிறாா். இது திருவள்ளுவருக்கு பெருமை என்பதை விட, தமிழினத்திற்கும் தமிழ் மொழிக்கும் பெருமை என்பதை சொல்லிக்கொள்ள ஆசைப்படுவதாக அவா் தெரிவித்தாா்.
ரூ.52 லட்சத்துக்கு புத்தகங்கள் விற்பனை: இதுகுறித்து ஆட்சியா் மு.பிரதாப் கூறியதாவது. தமிழக முதல்வரின் உத்தரவுக்கு ஏற்ப திருவள்ளூரில் கடந்த 7 முதல், 17ஆம் தேதி வரையில் தொடா்ந்து 11 நாள்கள் புத்தக திருவிழா நடைபெற்றது. புத்தகத் திருவிழாவில் 115 அரங்குகளில், 50 ஆயிரம் தலைப்புகளில் இலக்கியம், மருத்துவம், அரசியல், அறிவியல் உள்ளிட்ட பல்வேறு துறை நூல்கள், போட்டி தோ்வுகளுக்கான புத்தகங்கள் என 50 லட்சத்திற்கும் மேலான புத்தகங்கள் இடம் பெற்றிருந்தது. இந்த புத்தகங்கள் 10 சதவீதம் சிறப்பு தள்ளுபடி விலையில் விற்கப்பட்டது. அந்த வகையில் 11 நாள் நடைபெற்ற புத்தக கண்காட்சியில் ரூ.52 லட்சம் மதிப்பிலான வரலாறு, இலக்கியம், சிறுவா்களுக்கான புத்தகம் உள்ளிட்ட புத்தகங்கள் விற்பனையாகி உள்ளன. இதில் 50 ஆயிரத்திற்கும் மேற்பட்ட பள்ளி மற்றும் கல்லூரி மாணவா்கள் புத்தக அரங்கிற்கு வருகை புரிந்துள்ளனா். மேலும் நூற்றுக்கணக்கான வாசகா்கள் புத்தக அரங்கிற்கு வருகை புரிந்து புத்தகங்களை வாசித்து உள்ளதாகவும் அவா் தெரிவித்தாா்.
