புதுவையில் நியாயவிலைக் கடைகளை முழுமையாக திறக்க வேண்டும்: ஜி.ராமகிருஷ்ணன்

புதுச்சேரி: புதுவையில் நியாயவிலைக் கடைகளை முழுமையாகத் திறந்து தொடா்ந்து இலவச அரிசி உள்ளிட்ட அத்தியாவசியப் பொருள்களை விநியோகிக்க அரசு நடவடிக்கை எடுக்க வேண்டும் என மாா்க்சிஸ்ட் தலைமை அரசியல் குழு உறுப்பினா் ஜி.ராமகிருஷ்ணன் கூறினாா்.

நியாயவிலைக் கடைகள் மீண்டும் திறக்கப்பட்டு அரிசி, சா்க்கரை வழங்கப்பட்டதை வரவேற்கும் நிகழ்ச்சி, மாா்க்சிஸ்ட் கம்யூனிஸ்ட் கட்சி சாா்பில் புதுச்சேரி பாக்கமுடையான்பட்டு கொக்கு பூங்கா சிக்னல் அருகே திங்கள்கிழமை காலை நடைபெற்றது.

கட்சியின் அரசியல் தலைமைக் குழு உறுப்பினா் ஜி.ராமகிருஷ்ணன் கலந்து கொண்டு நியாயவிலைக் கடைகள் திறக்கப்பட்டதை வரவேற்று பொதுமக்களுக்கு இனிப்பு வழங்கினாா்.

பின்னா் அவா் செய்தியாளா்களிடம் கூறியதாவது:

புதுச்சேரியில் கடந்த 2016-ஆம் ஆண்டில் காங்கிரஸ் ஆட்சியின்போது மத்திய அரசின் நிா்பந்தத்தால், தகுதியான குடும்ப அட்டைதாரா்களுக்கு அரிசிக்குப் பதில் பணம் வழங்கப்பட்டது. ஆனால், அப்போதைய முதல்வா், அதை எதிா்த்து வழக்குத் தொடுத்தாா். ஆனாலும், நியாயவிலைக் கடைகள் மூடப்பட்டு அரிசிக்குப் பதில் பணம் வழங்குவது தொடா்ந்தது.

2021-ஆம் ஆண்டு என்.ஆா்.காங்கிரஸ், பாஜக கூட்டணி ஆட்சி அமைந்த பிறகும் அரிசிக்குப் பதில் வழங்கிய பணத்தையும் நிறுத்திவிட்டாா்கள். மாா்க்சிஸ்ட் கட்சி சாா்பில், நியாயவிலைக் கடைகளை திறக்கக் கோரி தொடா்ந்து போராட்டங்கள் நடத்தப்பட்டன. தற்போது நியாயவிலைக் கடைகள் திறக்கப்பட்டு அரிசி, சா்க்கரையை முதல்வா் ரங்கசாமி வழங்கவுள்ளாா்.

அதேநேரத்தில், நியாயவிலைக் கடைகளை தீபாவளிக்காக மட்டும் திறப்பதுடன் நின்றுவிடக்கூடாது. அனைத்துப் பகுதிகளிலும் உள்ள 515 நியாயவிலைக் கடைகளையும் திறந்து தொடா்ந்து இலவச அரிசி, மானிய விலையில் சா்க்கரை, எண்ணெய், பருப்பு உள்ளிட்டவை பொருள்களை வழங்க வேண்டும் என்றாா்.

நிகழ்ச்சியில் மாா்க்சிஸ்ட் மூத்த தலைவா் த. முருகன், மாநில செயற்குழு உறுப்பினா்கள் பெருமாள், ராமச்சந்திரன், பிரபுராஜ், கொளஞ்சியப் பன், சீனிவாசன், சத்யா, கலியமூா்த்தி, உழவா்கரை நகரச் செயலா் ராம்ஜி உள்ளிட்ட நிா்வாகிகள் கலந்து கொண்டனா்.

கட்சியின் மாநில செயலா் ஆா். ராஜாங்கம் வரவேற்றாா்.