கமுதி அருகேயுள்ள பெருநாழியில் சனிக்கிழமை இரவு பலத்த மழை பெய்ததில் 2 வீடுகள் இடிந்து சேதமடைந்தன.
ராமநாதபுரம் மாவட்டம், கமுதி அருகேயுள்ள பெருநாழி சுற்று வட்டாரப் பகுதிகளில் சனிக்கிழமை இரவு இடி, மின்னலுடன் கூடிய பலத்த மழை பெய்தது. அப்போது, பெருநாழி பத்திரகாளியம்மன் கோயில் தெருவில் உள்ள முருகேசன் என்பவருக்குச் சொந்தமான வீட்டின் இரண்டாவது மாடி வீட்டின் கைப்பிடிச் சுவா், கதவு, ஜன்னல் பகுதிகள் இடிந்து சேதமைடந்தன. மேலும், வீட்டிலிருந்த மின்சாதன பொருள்களும் சேதமடைந்தன.
இதேபோல, பெரியசாமி என்பவரின் ஓட்டு வீடு சேதமடைந்தது. வீட்டிலிருந்த மின்சாதனப் பொருள்கள் சேதமடைந்தன . பெரிசாமி குடும்பத்தினா் வெளியூா் சென்றிருந்ததால் அதிா்ஷ்டவசமாக உயிா் தப்பினா். இதுகுறித்து கமுதி வருவாய்த் துறையினா் விசாரித்து வருகின்றனா்.
