பேருந்தின் முன்பக்க டயா் இரும்பு கம்பி உடைப்பு: விபத்தில் தப்பிய பயணிகள்

சொரக்காய்பேட்டையிலிருந்து திருத்தணிக்கு சென்ற அரசுப் பேருந்தின் முன் பக்க டயா் கம்பி துண்டாகி சாய்ந்ததில் பேருந்தில் பயணம் செய்த 40 போ் அதிருஷ்டவசமாக உயிா் தப்பினா்.

திருத்தணி போக்குவரத்துக் கழக பணிமனையில் இருந்து டி-43 அரசுப் பேருந்து சொரக்காய்பேட்டை வரை இயக்கப்படுகிறது. இந்த பேருந்து மேல் திருத்தணி, சூரியநகரம், கிருஷ்ணசமுத்திரம், புச்சிரெட்டிப்பள்ளி, கீச்சலம், பொதட்டூா்பேட்டை வழியாக சொரக்காய்பேட்டை வரை இயக்கப்படுகிறது.

இந்நிலையில் ஞாயிற்றுக்கிழமை இரவு 8.30 மணியளவில் சொரக்காய்பேட்டையில் இருந்து 40-க்கும் மேற்பட்ட பயணிகளை ஏற்றிக் கொண்டு திருத்தணிக்கு பேருந்து புறப்பட்டு வந்தது. இரவு திருத்தணி ம.பொ.சி. சாலையில் இருந்து அரக்கோணம் சாலையில் திரும்பும் போது பேருந்தின் முன் டயா் கம்பி துண்டாகி ஒரு பக்கமாக சாய்ந்தது.

பேருந்து ஓட்டுநரின் திறமையான செயல்பாட்டால் பேருந்தில் இருந்த 40 பயணிகள் உயிா் தப்பினா். இதனால் அப்பகுதியில் போக்குவரத்து பாதிப்பு ஏற்பட்டது. தகவல் அறிந்தது வந்த திருத்தணி போலீஸாா் சம்பவ இடத்திற்கு விரைந்து வந்து, வாகனங்களை மாற்றுப் பாதையில் திருப்பி அனுப்பினா். மேலும் பணிமனையில் இருந்து ஊழியா்கள் வந்து ஒரு மணி நேரம் போராடி பேருந்தை கொண்டு சென்றனா்.