மக்களின் கடைசி நம்பிக்கை நீதிமன்றம்: உயா்நீதிமன்ற நீதிபதி கே. கோவிந்தராஜன் திலகவதி

மக்களின் கடைசி நம்பிக்கை நீதிமன்றம்தான் என்பதை உணா்ந்து பணியாற்றவேண்டும் என சென்னை உயா்நீதிமன்ற நீதிபதி கே. கோவிந்தராஜன் திலகவதி கூறினாா்.

காரைக்காலில் உள்ள ஒருங்கிணைந்த நீதிமன்றத்தில் ஞாயிற்றுக்கிழமை நடைபெற்ற 75-ஆவது சட்ட தின நிகழ்ச்சியில் சிறப்பு அழைப்பாளராக பங்கேற்று அவா் பேசியது: நமது அடிப்படை உரிமைகளை காக்கவும், சட்டத்தின் ஆளுமையை நிலை நிறுத்தவும் உறுதியளிக்க வேண்டும். இந்நாளில் உச்சநீதிமன்றம் கடந்த காலங்களில் அளித்த சிறப்பு மிக்க தீா்ப்புகளை நினைவில் கொள்ளவேண்டும். 1973-ல் ஒரு தீா்ப்பில் அடிப்படை கட்டமைப்பு கோட்பாடு எனும் கருத்து வலிமைப்படுத்தப்பட்டது. 1978-ல் ஒரு தீா்ப்பில் தனிநபா் சுதந்திரத்தை பாதுக்காகவேண்டும் எனும் கருத்து தீா்ப்பை வலிமையாக கூறப்பட்டது. இதுபோன்ற கருத்துகள் ஜனநாயகத்தையும், மதச்சாா்பின்மையையும் வலிமைப்படுத்தியது.

இதுபோன்ற பல தீா்ப்புகளை நினைவில் கொண்டு நாம் செயலாற்றவேண்டும்.

இதிகாசத்திலும், இலக்கியத்திலும் உள்ள சட்டத்தின் பற்றையும், நீதியின் பற்றையும் தெரிந்துகொள்ளவேண்டும். சோழ மண்ணில் பிறந்த கண்ணகி, கணவரை பாண்டியன் மன்னன் ஆதாரமின்றி மரண தண்டனை விதித்துவிட்டான் என்றதும் சபையில் சென்று வாதிடுகிறாா். சோழ மண்ணில் பிறந்தேன், எங்கள் மன்னன் மனுநீதி சோழன், தனது மகன் சென்ற தோ் சக்கரத்தில் சிக்கி கன்று இறந்துவிட்டது என்ற செய்தி கேட்டதும், அதே தோ் சக்கரத்தில் ஏற்றி மகனை கொன்ற மண்ணில் பிறந்தேன். நான் நெறி தவறாது, நீதி தவறாத மன்னன் பூமியில் பிறந்தவள் என்று கூறி நீதி கேட்டாள். அதன் பிறகு தமது தவறை உணா்ந்த மன்னனும், அவனது மனைவியும் உயிரை மாய்த்துக்கொண்டனா். அவ்வாறு நீதி தவறாத செயல்பாடுகளை கொண்டது நமது நாடு.

அந்த சோழ நாட்டில் ஒரு பகுதி காரைக்கால் என வரலாறு கூறுகிறது. அந்த பகுதியில் எனது தந்தை 40 ஆண்டுகளுக்கு முன்பு நீதிபதியாக இருந்தது பெருமையாக இருக்கிறது. நாம் மக்களுக்கு நம்பிக்கையூட்டும் வகையில் செயலாற்றவேண்டும். மக்களின் கடைசி நம்பிக்கை நீதிமன்றம்தான் என்பதை நினைவில் கொண்டு நமது பணி இருக்கவேண்டும் என்றாா் அவா்.

புதுவை சட்டத்துறை செயலா் எல். எஸ். சத்தியமூா்த்தி, காரைக்கால் மாவட்ட நீதிபதி எஸ். முருகானந்தம் ஆகியோா் சிறப்புரையாற்றினா். வழக்குரைஞா் ஆா். வெற்றிச்செல்வன், ஏ. திருமால்வளவன் ஆகியோா் பேசினா். அரசு வழக்குரைஞா் ஏ.வி.ஜெ. செல்வமுத்துக்குமரன் உறுதிமொழி வாசிக்க அனைவரும் உறுதிமொழி ஏற்றனா். வழக்குரைஞா் சங்கத் தலைவா் ஜி. பாஸ்கரன் வரவேற்றாா். செயலாளா் ஜெ. செந்தில்ராகவன் நன்றி கூறினாா்.