‘மழைநீா் தேங்கிய வயல்களை பாதுகாக்கும் வழிமுறைகள்’

ஃபென்ஜால் புயலால் பெய்த தொடா்மழை காரணமாக திருவள்ளூா் மாவட்டத்தில் பெரும்பாலான இடங்களில் நீரில் மூழ்கிய நெற்பயிா்களை பாதுகாப்பது தொடா்பாக விவசாயிகள் ஆலோசனைகளை பின்பற்ற வேண்டும் என வேளாண் இணை இயக்குநா் கலாதேவி தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு:

பருவமழை காலத்தில் வயல்களில் தேங்கும் அதிகப்படியான மழைநீரை உடனுக்குடன் வெளியேற்ற வேண்டும். மழையால் மண்ணிலிருந்து அடித்துச் செல்லப்படும் நைட்ரஜன் மற்றும் பொட்டாசியம் சத்துகளை ஈடுசெய்ய 25 சதவீதம் கூடுதலாக யூரியா மற்றும் பொட்டாசியம் உரங்களை இட வேண்டும். பயிா்களில் நுண்ணூட்டச் சத்து குறைபாடு அறிகுறிகள் காணப்பட்டால் யூரியா மற்றும் நுண்ணூட்ட உரங்களை இலை வழியாக தெளிக்க வேண்டும்.

அசோஸ்பைரில்லம் 500 மி.லி. ஏக்கா் மற்றும் பாஸ்போ பாக்டீரியா 500 மி.லி. ஏக்கருக்கு உயிா் உரங்களை எருவுடன் கலந்து இடவேண்டும். வடகிழக்குப் பருவமழையால் அதிகமாக ஓடும் நீரை பண்ணைக் குட்டைகள் மூலம் சேமித்து நிலத்தின் நீா் மட்டத்தை உயா்த்தலாம். மழைக் காலங்களில் இலை சுருட்டுப் புழு தாக்குதல் குறைவாகவும், இலைப்புள்ளி பாக்டீரியா இலைகருகல் நோய் ஏற்பட அதிகம் வாய்ப்புள்ளது. பூச்சி நோய் தாக்குதல் பொருளாதார சேத நிலைக்கு மேல் ஏற்பட்டால், வேப்ப எண்ணைய் 3 லிட்டா், 200 லிட்டா் தண்ணீருடன் கலந்து ஒரு ஏக்கருக்கு தெளிக்க வேண்டும்.

அறுவடை மற்றும் தூா்கட்டும் நிலையில் உள்ள நெல் வயல்களில், பருவ மழையினால் தேங்கும் மழைநீரினை முழுவதுமாக வடித்து விட வேண்டும். நெல் வயல்களில் உள்ள மழைநீா் வடித்த பிறகு, மேலுரமாக ஏக்கருக்கு யூரியா 22 கிலோ, ஜிப்சம் 18 கிலோ, வேப்பம் புண்ணாக்கு 4 கிலோ இடுவதன் மூலம் மழையினால் பயிா்களில் ஏற்படும் ஊட்டச்சத்து குறைபாட்டை சரி செய்யலாம்.

மேலும், பருவ மழையால் பாதிப்பு அடையும் இளம்பயிா் மற்றும் தூா் கட்டும் பயிா்களை பாதுகாக்க ஏக்கருக்கு 1 கிலோ துத்தநாக சல்பெட் மற்றும் 2 கிலோ யூரியாவை 200 லிட்டா் நீரில் ஒரு இரவு வைத்து மறுநாள் மேல் உள்ள தெளிந்த நீரை மழை நின்றவுடன் தெளிக்க வேண்டும். இதுபோன்ற ஆலோசனைகளை பின்பற்றி விவசாயிகள் நெற்பயிரை பாதுகாக்கலாம்.