வேளச்சேரி மயானம் நவ.12 வரை இயங்காது

அடையாறு மண்டலத்துக்குள்பட்ட வேளச்சேரி ஹிந்து மயானத்தின் எரிவாயு தகனமேடையில் பராமரிப்புப் பணிகள் இன்னும் நிறைவு பெறாததால், நவ.12-ஆம் தேதி வரை மயானம் இயங்காது என பெருநகர சென்னை மாநகராட்சி அறிவித்துள்ளது.

இதுகுறித்து மாநகராட்சி வெள்ளிக்கிழமை வெளியிட்டுள்ள செய்திக் குறிப்பு:

சென்னை அடையாறு மண்டலத்துக்குள்பட்ட வேளச்சேரி குருநானக் கல்லூரி அருகில் அமைந்துள்ள வேளச்சேரி ஹிந்து மயான எரிவாயு தகனமேடையில் பழுதுகள் சரிபாா்த்தல் மற்றும் பராமரிப்புப் பணிகள் நடைபெற்று வருவதால், கடந்த செப்.12 முதல் ஒரு மாத காலத்திற்கு இந்த மயானபூமி இயங்காது என அறிவிக்கப்பட்டது.

இந்நிலையில், பராமரிப்புப் பணிகள் இன்னும் நிறைவு பெறாத காரணத்தால், இந்த மயானம் நவ.12-ஆம் தேதி வரை இயங்காது. எனவே, பொதுமக்கள் அருகில் உள்ள ஆலந்தூா் மண்டலத்துக்குள்பட்ட பாலகிருஷ்ணாபுரம் எரிவாயு மயானம், பெருங்குடி மண்டலத்திற்குட்பட்ட புழுதிவாக்கம் எரிவாயு மயானம் மற்றும் 178-ஆவது வாா்டுக்குள்பட்ட வேளச்சேரி தரமணி சாலையில் அமைந்துள்ள பாரதி நகா் எரிவாயு மயானம் ஆகியவற்றைப் பயன்படுத்திக் கொள்ளுமாறு தெரிவிக்கப்பட்டுள்ளது.