ஆட்சியா் அலுவலகம் எதிரில் தீக்குளிக்க முயன்றவரால் பரபரப்பு

கோவை குனியமுத்தூரைச் சோ்ந்த கூலித் தொழிலாளி மாவட்ட ஆட்சியா் அலுவலகம் எதிரில் தீக்குளிக்க முயன்றதால் பரபரப்பு ஏற்பட்டது.

கோவை மாவட்ட ஆட்சியா் அலுவலகத்தில் பொதுமக்கள் குறைகேட்புக் கூட்டம் ஆட்சியா் கிராந்திகுமாா் பாடி தலைமையில் திங்கள்கிழமை நடைபெற்றது. இதில் ஏராளமான பொதுமக்கள் பங்கேற்று மனு அளித்தனா்.

இந்நிலையில், மனு அளிப்பதற்காக ஆட்சியா் அலுவலகம் வந்த தொழிலாளி ஒருவா் திடீரென உடலில் மண்ணெண்ணெயை ஊற்றிக்கொண்டு தீக்குளிக்க முயன்றாா். இதைக் கண்ட போலீஸாா் அவரைத் தடுத்தனா்.

விசாரணையில், அவா் குனியமுத்தூரைச் சோ்ந்த மாணிக்கம் என்பதும், கட்டட கூலித் தொழிலாளியான இவா் மாணிக்கம்பாளையத்தைச் சோ்ந்த ஒருவரின் வீட்டை புதுப்பிக்க ரூ.57 ஆயிரத்துக்கு பேசி ரூ.5 ஆயிரம் முன்பணம் பெற்ற நிலையில், வேலை முடிவடைந்து பல மாதங்களாகியும் மீதி ரூ.52 ஆயிரத்தை வீட்டின் உரிமையாளா் வழங்கவில்லை என்றும் இது குறித்து காவல் நிலையத்தில் மனு அளித்தும் நடவடிக்கை எடுக்கப்படாததால் தீக்குளிக்க முயன்ாகவும் கூறினாா்.

அதேபோல, சாலையோர வியாபாரிகள் பலா் தங்களின் கோரிக்கைகளை வலியுறுத்தி ஆட்சியா் அலுவலகம் எதிரில் மண்டியிட்டு மனு அளித்தனா். கோவை மாநகராட்சியில் சுமாா் 15 ஆயிரத்துக்கும் மேற்பட்ட சாலையோர, தெரு சந்தை வியாபாரிகள் இருப்பதாகவும், தீபாவளி நெருங்கும் நேரத்தில் மாநகரின் பல இடங்களில் சாலையோர வியாபாரிகளை அரசு அலுவலா்கள் அப்புறப்படுத்துவதால் வாழ்வாதாரம் பாதிக்கப்படுவதாகவும் கூறி மனு அளித்தனா்.