டேவிட் வார்னரைப் போல மெக்ஸ்வீனி விளையாட தேவையில்லை: பாட் கம்மின்ஸ்
அரியலூரில் ஆன்லைன் வா்த்தகத்தில் அதிக லாபம் எனக் கூறி ரூ. 19 லட்சம் மோசடியில் ஈடுபட்ட சென்னையைச் சோ்ந்த இளைஞரை சனிக்கிழமை போலீஸாா் கைது செய்தனா்.
அரியலூா் நகரத்தைச் சோ்ந்தவா் சுந்தா் (43). கைப்பேசி, முகநூல், டெலிகிராம் ஆகிய சமூக வலைதளங்கள் வழியே இவரைத் தொடா்பு கொண்ட நபா், அவரது கைப்பேசிக்கு லிங்கை அனுப்பி போரேக்ஸ் டிரேடிங்-இல் முதலீடு செய்தால் நல்ல லாபம் கிடைக்கும் எனக் கூறி பல்வேறு வங்கிக் கணக்குகள் மூலம் ரூ.19,76,480-ஐ முதலீடு செய்ய வைத்து ஏமாற்றியுள்ளாா்.
இதுகுறித்து சுந்தா் அளித்த புகாரின்பேரில், அரியலூா் இணையவழிக் குற்றப்பிரிவு காவல் துறையினா் வழக்குப் பதிந்து, குற்ற செயலுக்காகப் பயன்படுத்திய வங்கிக் கணக்குகளில் இருந்த ரூ. 8,66,966 முடக்கம் செய்து விசாரணை மேற்கொண்டு வருகின்றனா்.
விசாரணையில், சென்னை வேளச்சேரியைச் சோ்ந்த சுந்தர்ராஜன் மகன் சக்திவேல் (36) என்பவா் மோசடியில் ஈடுபட்டிருப்பதும், சக்திவேலுக்கு கா்நாடகா, குஜராத், மகாராஷ்டிரா, ஹரியாணா, உத்தரப் பிரதேசம் மற்றும் கேரளம் ஆகிய மாநிலங்களில் வங்கிக் கணக்குகள் தொடங்கி பயன்படுத்தப்பட்டிருப்பதும் தெரியவந்தது.
இதையடுத்து, இணையவழி குற்றப்பிரிவு காவல் ஆய்வாளா் கவிதா தலைமையில் 5 போ் கொண்ட காவல் துறையினா், சென்னையில் சக்திவேலைக் கைது செய்து சனிக்கிழமை அரியலூா் நீதிமன்றத்தில் ஆஜா்படுத்தி சிறையில் அடைத்தனா். மேலும் சக்திவேலிடமிருந்து 3 கைப்பேசிகள், 9 சிம்காா்டுகள், 7 காசோலை புத்தகங்கள், 7 ஏடிஎம் காா்டுகள், 7 ஆபீஸ் ‘சீல்’ உள்ளிட்டவைகளை காவல் துறையினா் பறிமுதல் செய்தனா்.
