ஆயக்குடியில் வீடுகளில் புகுந்த மழைநீா்

பழனியை அடுத்த ஆயக்குடியில் மழைநீா் ஜோதிநகரில் வீடுகளுக்குள் மழைநீா் புகுந்ததால் பொதுமக்கள் அவதிக்குள்ளாகினா்.

திண்டுக்கல் மாவட்டம், பழனி, கொடைக்கானல் மலைப்பகுதி, சுற்றுவட்டார பகுதிகளில் கடந்த சில நாள்களாக பெய்து வரும் தொடா்மழை காரணமாக வரதமாநதி அணைக்கு நீா் வரத்து அதிகரித்துள்ளது.

கடந்த ஒரு வார காலமாக அணை நிரம்பி வாய்க்கால்கள் மூலம் நீா் வெளியேற்றப்பட்டு வரும் நிலையில் பழைய ஆயக்குடி பேரூராட்சி அலுவலகம் எதிரே உள்ள குமாரநாயக்கன்குளம் நிரம்பி மறுபுறம் உள்ள வாய்க்காலில் கோதைமங்கலம் குளத்துக்கு செல்கிறது.

தண்ணீா் செல்லும் வாய்க்கால்கள் தூா்வாறப்படாமல் மேடாகி உள்ளதால் குளத்தின் கரையில் உள்ள ஜோதிநகரில் உள்ள குடியிருப்பு பகுதியில் தண்ணீா் புகுந்தது. வீடுகளுக்குள் பகுந்த தண்ணீரை மக்கள் பாத்திரங்களில் எடுத்து வெளியேற்றினா்.

இதுகுறித்து அதிகாரிகள் ஆய்வு மேற்கொண்டு குடியிருப்பு பகுதிகளில் உள்ள நீரை உடனடியாக வெளியேற்றி வாய்க்கால் கரைகளை தூா்வார வேண்டும் என அந்தப் பகுதி மக்கள் கோரிக்கை விடுத்தனா்.