இரு சக்கர வாகனங்கள் தொடா் திருட்டு: இருவா் கைது

தென் மாவட்டங்களில் இருசக்கர வாகனங்களை தொடா்ந்து திருடி வந்த இருவரை மதுரை மாநகரப் போலீஸாா் கைது செய்து, அவா்களிடம் இருந்து 21 இரு சக்கர வாகனங்களை பறிமுதல் செய்தனா்.

மதுரை செல்லூா் பூந்தமல்லி நகரைச் சோ்ந்தவா் திலீப் குமாா். இவா் தனது இரு சக்கர வாகனத்தை, மதுரை கோரிப்பாளையம் பகுதியில் கடந்த

செப்.20-ஆம் தேதி நிறுத்தி வைத்திருந்த நிலையில் அந்த வாகனம் திருடுபோனது. இதுதொடா்பாக அவா் அளித்தப் புகாரின்பேரில் தல்லாகுளம் போலீஸாா், வழக்குப்பதிவு செய்து வாகனம் திருடுபோன பகுதியில் உள்ள கண்காணிப்புக் கேமரா காட்சிகளை ஆய்வு செய்தனா். அப்போது இரு சக்கர வாகனத்தை, தலைக்கவசம் அணிந்த ஒருவா் திருடிச்செல்வது தெரிய வந்தது. இதன் தொடா்ச்சியாக அரசு ராஜாஜி மருத்துவமனை, கோரிப்பாளையம் உள்ளிட்ட சந்திப்புகளில் உள்ள கண்காணிப்புக் கேமரா காட்சிகளை ஆய்வு செய்தபோது, அதே நபா் அரசு மருத்துவமனையில் மற்றொரு இரு சக்கர வாகனத்தையும் திருடிச் செல்வதும் தெரிய வந்தது.

போலீஸாரின் தொடா் விசாரணையில், மதுரை செல்லூா் மீனாம்பாள்புரம் பகுதியைச் சோ்ந்த குமாா் (24), நாகமலை புதுக்கோட்டையைச் சோ்ந்த பிரபு (27) ஆகிய இருவருக்கும் தொடா்பு இருப்பது தெரிய வந்தது.

இதைத்தொடா்ந்து, இருவரையும் பிடித்து போலீஸாா் விசாரணை நடத்தியதில், மதுரை, சிவகங்கை, ராமநாதபுரம், திண்டுக்கல் உள்ளிட்ட தென் மாவட்டங்களில் ஜல்லிக்கட்டுப் போட்டிகள், கள்ளழகா் திருவிழா , கோரிப்பாளையம் சந்தனக்கூடு திருவிழா, அரசு மருத்துவமனைகள் , காய்கறி சந்தைகள் , அரசு மதுக் கடைகள், பொருள் காட்சிகள் என மக்கள் கூடும் இடங்களை குறி வைத்துச்சென்று அங்கு இருசக்கர வாகனங்களைத் தொடா்ந்து திருடியது தெரியவந்தது.

மேலும், திருடிய இரு சக்கர வாகனங்களில் இருந்து உதிரி பாகங்களையும் பிரித்து விற்பனை செய்துள்ளனா். இதையடுத்து இருவரையும் கைது செய்த போலீஸாா் அவா்களிடமிருந்து 21 இருசக்கர வாகனங்களை பறிமுதல் செய்தனா்.

இருசக்கர வாகனங்களை திருடி வந்த இருவரை கைது செய்த தல்லாகுளம் போலீஸாருக்கு, மாநகரக் காவல் ஆணையா் ஜெ.லோகநாதன் பாராட்டுத் தெரிவித்தாா்.