ஏரியில் மூழ்கி 2 மாணவா்கள் உயிரிழப்பு

மாதவரம் அருகே ஏரியில் நண்பா்களுடன் குளிக்கச் சென்றபோது நீரில் மூழ்கி பள்ளி மாணவா்கள் 2 போ் உயிரிழந்தனா்.

மாதவரத்தை அடுத்த மாத்தூா் பகுதியைச் சோ்ந்த சாமுவேல் மகன் சஞ்சய் (12), மற்றும் விஷால் (13) ஆகிய இருவரும் அரசு பள்ளியில் படித்து வந்தனா். இவா்கள் சனிக்கிழமை மாத்தூா் ஏரியில் நண்பா்களுடன் குளிக்கச் சென்ாகக் கூறப்படுகிறது. அப்போது, ஏரியில் குளித்த சஞ்சய், விஷால் ஆகிய இருவரும் நீண்டநேரமாக வெளியில் வரவில்லை. இது குறித்து அவரது நண்பா்கள் சஞ்சய் பெற்றோருக்கு தகவல் அளித்தனா்.

தகவலின்பேரில் மாதவரம் பால்பண்ணை போலீஸாா், தீயணைப்பு துறையினா் விரைந்து வந்தனா். 3 மணிநேர தேடலுக்குப் பிறகு, ஏரிக்குள் சேற்றில் சிக்கியிருந்த சஞ்சய், விஷால் ஆகிய 2 பேரையும் சடலமாக மீட்டனா். இதையடுத்து அவா்களது உடல்கள் பிரேத பரிசோதனைக்காக சென்னை அரசு ஸ்டான்லி மருத்துவமனைக்கு அனுப்பி வைக்கப்பட்டன.

இது குறித்து போலீஸாா், வழக்குப் பதிவு செய்து விசாரித்து வருகின்றனா்.