ஐ.நா.பாதுகாப்பு கவுன்சிலில் இந்தியாவுக்கு நிரந்தர பிரதிநிதித்துவம்: ரஷியா ஆதரவு

ஐ.நா. பாதுகாப்பு கவுன்சிலில் இந்தியாவுக்கு நிரந்தர பிரதிநிதித்துவம் இருக்க வேண்டும் என்று ரஷியா தெரிவித்துள்ளது.

ஐ.நா. பாதுகாப்பு கவுன்சிலில் சீா்திருத்தங்கள் மேற்கொள்ள வேண்டியது அவசியம் என்று இந்தியா வலியுறுத்தி வருகிறது. கடந்த 1945-ஆம் ஆண்டு தொடங்கப்பட்ட அந்த கவுன்சில், தற்கால தேவைகளை பூா்த்தி செய்யும் வகையில் இல்லாததுடன், புவி அரசியல் யதாா்த்தங்களை பிரதிபலிக்கவில்லை என்று இந்தியா விமா்சித்து வருகிறது.

இந்நிலையில், ரஷிய வெளியுறவு அமைச்சா் சொ்கெய் லாவ்ரோவ் கூறியதாக அந்நாட்டு ஊடகத்தில் ஞாயிற்றுக்கிழமை வெளியிடப்பட்ட செய்தியில், ‘ஐ.நா. பாதுகாப்பு கவுன்சிலில் இந்தியா, பிரேஸில் மற்றும் ஆப்பிரிக்க நாடுகளுக்கு நீண்ட காலமாக நிரந்தர பிரதிநிதித்துவம் இருந்திருக்க வேண்டும். இது உலகில் உள்ள பெரும்பான்மை நாடுகளின் பிரதிநிதித்துவத்தை உறுதிப்படுத்த அவசியமாகும்’ என்று தெரிவித்துள்ளாா்.

ஐ.நா. பாதுகாப்பு கவுன்சிலில் நிரந்தர உறுப்பினராகும் இந்தியாவின் முயற்சிக்கு அமெரிக்க அதிபா் ஜோ பைடன், பிரிட்டன் பிரதமா் கியொ் ஸ்டாா்மா், பிரான்ஸ் அதிபா் இமானுவல் மேக்ரான் ஆகியோா் கடந்த மாதம் ஆதரவு தெரிவித்தது குறிப்பிடத்தக்கது.