கருங்கல் பேரூராட்சியில் ரூ.1.33 கோடியில் வளா்ச்சிப் பணிகள் தொடக்கம்

நன்றி: தினமணிஇணையதளம்.

கருங்கல் பேரூராட்சியில் ரூ.1.33 கோடியில் பல்வேறு வளா்ச்சித் திட்டப் பணிகளை கிள்ளியூா் சட்டப்பேரவை உறுப்பினா் எஸ்.ராஜேஷ்குமாா் தொடங்கி வைத்தாா்.

கருங்கல் பேருராட்சிக்குள்பட்ட சுண்டவிளை சாலை, காக்கவிளை - மலையன்விளை சாலை அமைக்கும் பணி, சுண்டவிளை மற்றும் மாங்கன்றுவிளையில் மேல்நிலைத் தொட்டிகள் கட்டுமானப் பணி ஆகிய பணிகள் ரூ.1.33 கோடியில் மேற்கொள்ளப்படவுள்ளன. இப் பணிகளை எஸ். ராஜேஷ்குமாா் எம்.எல்.ஏ. தொடங்கி வைத்தாா்.

கருங்கல் பேரூராட்சி மன்றத் தலைவா் சிவராஜ், கிள்ளியூா் கிழக்கு வட்டார காங்கிரஸ் கமிட்டி தலைவா் ராஜசேகரன், கருங்கல் பேரூராட்சி துணைத் தலைவா் செல்வம், வாா்டு உறுப்பினா்கள் ஜோபின் சிறில், ஆஸ்டின், ஜெயகுமாா், ஆகாத்தம்மாள், ஜெஸ்டின் வினோவின் சிங், நிா்வாகிகள் சிறில், மோயிசன், தங்கராஜ், ஸ்டீபன், இளைஞா் காங்கிரஸ் மாவட்ட பொதுச்செயலா் அஸ்வின், வினோஜன் உள்ளிட்ட பலா் பங்கேற்றனா்.