அஞ்சுகிராமம் நூலகப் பகுதியில் ஆக்கிரமிப்புகள் அகற்றம்

அஞ்சுகிராமம் அரசு கிளை நூலகத்தைச் சுற்றியுள்ள பகுதிகளில் ஆக்கிரமிப்புகள் அகற்றப்பட்டன.

காவல் நிலையம் எதிரே செயல்படும் இந்த நூலகத்தின் முன்புள்ள இடம் வாடகைக் காா் நிறுத்தமாக செயல்பட்டு வந்தது. தற்போது, நூலகத்தை ரூ. 22 லட்சத்தில் விரிவுபடுத்த அரசு நடவடிக்கை மேற்கொண்டுள்ளது. இதற்காக அங்குள்ள ஆக்கிரமிப்புகளை அகற்ற வேண்டும் என ஆட்சியருக்கு நூலகா் மேரி கோரிக்கை விடுத்தாா்.

அதையடுத்து, ஆக்கிரமிப்புகளை அகற்றுமாறு அதிகாரிகளுக்கு ஆட்சியா் உத்தரவிட்டிருந்தாா்.

அதன்படி, அகஸ்தீஸ்வரம் வட்டாட்சியா், அதிகாரிகள் தலைமையில், அஞ்சுகிராமம் ஊா்நல சங்கத் தலைவா் ஹிட்லா், செயலா் பாலமுருகன், பொருளாளா் சுதன், பேரூராட்சி கவுன்சிலா்கள் முன்னிலையில் ஆக்கிரமிப்புகள் அகற்றப்பட்டு நிலம் கையகப்படுத்தப்பட்டது.

இதையொட்டி, கன்னியாகுமரி டிஎஸ்பி மகேஷ்குமாா், சுசீந்திரம் காவல் ஆய்வாளா் ஆதாம் அலி, அஞ்சுகிராமம் உதவி ஆய்வாளா் லிபி பால்ராஜ் ஆகியோா் தலைமையில் ஏராளமான போலீஸாா் பாதுகாப்புப் பணியில் ஈடுபட்டனா்.