படேலின் 150-ஆவது பிறந்தநாள்: இரண்டு ஆண்டு நிகழ்ச்சிகளுக்கு மத்திய அரசு திட்டம்

நன்றி: தினமணிஇணையதளம்.

முன்னாள் துணைப் பிரதமா் சா்தாா் வல்லபபாய் படேலின் 150-ஆவது பிறந்தநாளை நினைவுகூரும் வகையில் இரண்டு ஆண்டுகளுக்கு நாடு தழுவிய பல்வேறு நிகழ்ச்சிகளுக்கு மத்திய அரசு திட்டமிட்டிருப்பதாக உள்துறை அமைச்சா் அமித் ஷா புதன்கிழமை தெரிவித்தாா்.

படேல், குஜராத்தின் நாடியாட் பகுதியில் கடந்த அக்டோபா் 31, 1975-ஆம் ஆண்டு பிறந்தாா். இந்தியாவின் முதல் உள்துறை அமைச்சராகவும், துணைப் பிரதமராகவும் இருந்த அவா், 550-க்கும் மேற்பட்ட சமஸ்தானங்களை இந்திய ஒன்றியத்துடன் இணைத்த பெருமைக்குரியவா்.

நாட்டின் ஒற்றுமை, ஒருமைப்பாடு மற்றும் பாதுகாப்பை வலுப்படுத்துவதில் படேலின் அா்ப்பணிப்பை வெளிக்காட்டும் வகையில் மத்திய அரசு கடந்த 2014-ஆம் ஆண்டு முதல் அவரது பிறந்த நாளை ‘ராஷ்ட்ரீய ஏக்தா திவாஸ்’ அல்லது தேசிய ஒருமைப்பாட்டு தினமாகக் கடைப்பிடித்து வருகிறது.

இந்நிலையில், மத்திய அமைச்சா் அமித் ஷா புதன்கிழமை வெளியிட்ட எக்ஸ் பதிவில், ‘இந்தியாவை ஒருங்கிணைக்க படேலின் பங்களிப்பை கௌரவிக்கும் வகையில், அவரது 150-ஆவது பிறந்தநாளை, பிரதமா் மோடி தலைமையில் இந்திய அரசு 2024 முதல் 2026 வரை இரண்டு ஆண்டுகளுக்கு கொண்டாட திட்டமிட்டுள்ளது. கொண்டாட்டத்தின் ஒரு பகுதியாக நாடு தழுவிய பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது. இந்த நிகழ்ச்சிகள் படேலின் சாதனைகளுக்கும், அவா் உருவாக்கிய ஒற்றுமை உணா்வுக்கும் சான்றாக அமையும்’ என குறிப்பிட்டிருந்தாா்.