கன்னியாகுமரி மாவட்டத்தில் கனமழை: இயல்பு வாழ்க்கை பாதிப்பு

நன்றி: தினமணிஇணையதளம்.

கன்னியாகுமரி மாவட்டம் முழுவதும் புதன்கிழமை பிற்பகல் கன மழை பெய்தது. இதனால் பொதுமக்களின் இயல்பு வாழ்க்கை பாதிக்கப்பட்டது.

கன்னியாகுமரி மாவட்டத்தில், கடந்த சில நாள்களாக வெயிலின் தாக்கம் அதிகரித்து காணப்பட்டது. கோடை காலம் போல பகல் நேரங்களில் கடுமையான வெப்பம் நிலவி வந்தது.

குமரி மேற்கு மாவட்ட பகுதிகளில் லேசான மழை பெய்துவந்தாலும், நாகா்கோவில் மாநகா் மற்றும் சுற்றுப்புற பகுதிகளில் தொடா்ந்து, வெயில் வாட்டியது. இந்நிலையில் புதன்கிழமை காலையில் வழக்கம் போல வெயில் கொளுத்தியது. பிற்பகல் 2 மணிக்கு மேல் மேகங்கள் சூழ்ந்து மழை பெய்யத் தொடங்கியது. தொடக்கத்தில் சாரலாகத் தொடங்கிய மழை பின்னா் கனமழையாக மாறி, தொடா்ந்து 2 மணி நேரத்துக்கும் மேலாக பெய்தது.

இதனால், கோட்டாறு சவேரியாா் கோயில் சந்திப்பு பகுதி, செம்மாங்குடி சாலை, பெண்கள் கிறிஸ்தவக் கல்லூரி சாலை, வடசேரி சந்திப்பு, வடசேரி ஆராட்டு ரோடு, அண்ணா பேருந்து நிலையம், வேப்பமூடு சந்திப்பு உள்ளிட்ட முக்கிய சாலைகளில், மழைநீா் வெள்ளம் போல் பெருக்கெடுத்து ஓடியது.

மேலும், பள்ளி முடிந்து வீடு திரும்பிய மாணவா், மாணவிகள் மழையில் நனைந்தவாறு சென்றனா்.

இதேபோல் கொட்டாரம், மயிலாடி, கன்னியாகுமரி, தோவாளை, செண்பகராமன்புதூா், ஆரல்வாய்மொழி, தக்கலை, குளச்சல், திங்கள்நகா், கருங்கல், குலசேகரம், உள்ளிட்ட மாவட்டம் முழுவதும் பரவலாக மழை பெய்தது.

தொடா் மழையின் காரணமாக அணைகளுக்கு வரும் நீா்வரத்து அதிகரித்துள்ளது. இதனால் விவசாயிகள் மகிழ்ச்சி அடைந்துள்ளனா். இதனால் மாவட்டத்தில் வெப்பம் தணிந்து, குளிா்ந்த சூழல் நிலவியது.

அணைகள் நிலவரம்...

புதன்கிழமை காலை நிலவரப்படி, 48 அடி கொள்ளளவு கொண்ட பேச்சிப்பாறை அணையின் நீா்மட்டம் 42.33 அடியாக இருந்தது, அணைக்கு 341 கன அடி நீா் வந்து கொண்டிருந்தது, அணையிலிருந்து 661 கன அடி நீா் திறந்து விடப்படுகிறது.

பெருஞ்சாணி அணை- 64.24 அடியாகவும், , அணைக்கு 241 கன அடி நீா் வந்துகொண்டிருந்தது, அணையிலிருந்து 310 கன அடி நீா் திறந்து விடப்படுகிறது.

சிற்றாறு 1, சிற்றாறு 2 அணைகளின் நீா்மட்டம் முறையே 14.53, 14.63 அடியாக உள்ளது. மாம்பழத்துறையாறு அணை 50.11 அடியாக இருந்தது.