பன்னூன் கொலை முயற்சி சம்பவத்துக்கு முறையாகப் பொறுப்பேற்கப்பட வேண்டும் -அமெரிக்கா

சீக்கிய பிரிவினைவாதி குா்பத்வந்த் சிங் பன்னூனை கொல்ல முயற்சித்த சம்பவத்துக்கு முறையாகப் பொறுப்பு ஏற்கப்படாத வரை, தமக்கு முழு திருப்தி ஏற்படாது என்று அமெரிக்கா தெரிவித்துள்ளது.

கடந்த ஆண்டு அமெரிக்காவில் காலிஸ்தான் பிரிவினைவாதி குா்பத்வந்த் சிங் பன்னூனை கொல்ல சதித் திட்டம் தீட்டப்பட்டதாகவும், இதில் ‘ரா’ உளவு அமைப்பைச் சோ்ந்த முன்னாள் அதிகாரி விகாஸ் யாதவுக்கு தொடா்புள்ளதாகவும் அமெரிக்க அதிகாரிகள் குற்றஞ்சாட்டினா். இந்தக் குற்றச்சாட்டை திட்டவட்டமாக மறுத்த மத்திய அரசு, இந்த விவகாரம் தொடா்பாக விசாரிக்க விசாரணை குழுவை அமைத்துள்ளது.

இந்நிலையில், அமெரிக்க தலைநகா் வாஷிங்டனில் அந்நாட்டு வெளியுறவுத் துறை துணை செய்தித்தொடா்பாளா் வேதாந்த் படேல் செய்தியாளா்களிடம் செவ்வாய்க்கிழமை கூறியதாவது:

கடந்த வாரம் பன்னூன் விவகாரம் தொடா்பாக இந்திய விசாரணை குழு அமெரிக்கா வந்தது. அப்போது அந்த விவகாரம் தொடா்பான மேல் விசாரணைக்கு இருநாட்டு அதிகாரிகளும் பரஸ்பரம் தகவல்களை பரிமாறிக்கொண்டனா். இந்தப் பேச்சுவாா்த்தையின் அடிப்படையில், இந்தியாவின் அடுத்தகட்ட நடவடிக்கைகளை அமெரிக்கா எதிா்பாா்க்கிறது.

இந்த விவகாரத்தில் இந்திய விசாரணையில் கிடைக்கும் முடிவுகளின் அடிப்படையில், பன்னூன் கொலை முயற்சி சம்பவத்துக்கு முறையாகப் பொறுப்பேற்கப்பட வேண்டும் என்று அமெரிக்கா விரும்புகிறது. அதுவரை அமெரிக்காவுக்கு முழு திருப்தி ஏற்படாது என்றாா்.