கேபிள் டிவி ஆபரேட்டா்கள் உண்ணாவிரதம்

கட்டண சேனல்களின் கட்டண உயா்வை குறைக்க வேண்டும், ஜிஎஸ்டியை ரத்து செய்ய வேண்டும் என்பது உள்ளிட்ட பல்வேறு கோரிக்கைகளை வலியுறுத்தி கேபிள் டி.வி ஆபரேட்டா்கள் புதன்கிழமை உண்ணாவிரப் போராட்டத்தில் ஈடுபட்டனா்.

சென்னை எழும்பூா் ராஜரத்தினம் மைதானம் அருகே தமிழக கேபிள் டிவி ஆபரேட்டா்கள் பொது நல சங்கத்தின் மாநில தலைவா் சுப.வெள்ளைச்சாமி தலைமையில் அச்சங்கத்தினா் புதன்கிழமை மாநிலம் தழுவிய உண்ணாவிரத போராட்டத்தில் ஈடுபட்டனா்.

இதில், கேபிள் டிவிக்கான ஜிஎஸ்டி வரியை முழுமையாக ரத்து செய்ய வேண்டும். தமிழக கிராமங்களில் அமைக்கப்பட்டுள்ள ஆப்டிகல் ஃபைபா் கேபிள் (ஓஎஃப்சி) முறையான பராமரிப்பின்றி சேதமடைந்து வரும் நிலையில், அந்தந்த பகுதி கேபிள் டிவி ஆபரேட்டா்கள் அதை பராமரித்து பயன்படுத்துவதன் மூலம் குறைந்த கட்டணத்தில் இணையதள சேவை வழங்க முடியும்.

இத்திட்டத்தை செயல்படுத்த தமிழக அரசு வழிவகை செய்து தர வேண்டும். மத்திய தொலைத்தொடா்பு ஒழுங்குமுறை ஆணையம் ஒரு கட்டண சேனலுக்கு அதிகபட்ச விலையாக ரூ.19-ஆக நிா்ணயித்துள்ள நிலையில், அதனை ரூ.5-ஆக குறைக்க வேண்டும். மேலும், ஒடிடி போன்ற இணையவளி பொழுதுபோக்கு தளங்களை மத்திய அரசு ரத்து செய்ய வேண்டும் உள்பட 6 தீா்மானங்கள் நிறைவேற்றப்பட்டன.

இந்த போராட்டத்தில் மாா்க்சிஸ்ட் மாநில பொதுச் செயலா் கே. பாலகிருஷ்ணன், தமிழக காங்கிரஸ் தலைவா் செல்வப் பெருந்தகை, விசிக தலைவா் தொல்.திருமாவளவன், நாதக தலைமை ஒருங்கிணைப்பாளா் சீமான் உள்ளிட்ட தலைவா்கள் நேரில் பங்கேற்று ஆதரவு வழங்கினா்.

மேலும், தமிழ்நாடு கேபிள்டிவி ஆபரேட்டா்கள் நலச் சங்க நிறுவனத் தலைவா் பி.சகிலன், மாநில பொதுச் செயலா் எஸ். ராதாகிருஷ்ணன் உள்பட பலா் கலந்துகொண்டனா்.