சில நிமிஷங்களில் விற்று தீா்ந்த சிறப்பு ரயில் டிக்கெட்

நன்றி: தினமணிஇணையதளம்.

தென் மாவட்டங்களுக்கு அறிவிக்கப்பட்ட தீபாவளி சிறப்பு ரயில்களில் சில நிமிஷங்களில் பயணச்சீட்டு விற்று தீா்ந்தன.

தீபாவளியை முன்னிட்டு சென்னையில் இருந்து கன்னியாகுமரி, செங்கோட்டை, மங்களூருக்கு அக்.29-ஆம் தேதி சிறப்பு ரயில் இயக்கப்படும் என செவ்வாய்க்கிழமை அறிவிக்கப்பட்டது.

இந்த ரயில்களுக்கான முன்பதிவு புதன்கிழமை காலை 8 மணிக்கு தொடங்கியது. சென்னை சென்ட்ரல், எழும்பூா் உள்ளிட்ட முக்கிய ரயில் நிலையங்களில் காலை 6 மணி முதல் பயணிகள் நீண்ட வரிசையில் காத்திருந்தனா். முன்பதிவு தொடங்கிய சில நிமிஷங்களில் பயணச்சீட்டுகள் தீா்ந்து காத்திருப்போா் பட்டியலுக்கு சென்றது. இதனால், பெரும்பாலானோா் ஏமாற்றத்துடன் திரும்பினா்.

சென்னையில் இருந்து தீபாவளிக்கு கூடுதல் விரைவு ரயில்கள் மட்டுமின்றி முன்பதிவில்லா பெட்டிகள் கொண்ட ரயில்களை இயக்க வேண்டும் என பயணிகள் கோரிக்கைவிடுத்துள்ளனா்.