கரூரில் ஞாயிற்றுக்கிழமை மாநில அளவிலான மாட்டு வண்டி எல்கை பந்தயம் நடைபெற்றது.
தமிழக துணை முதல்வா் உதயநிதி ஸ்டாலினின் பிறந்த தினத்தை முன்னிட்டு, கரூா் மாவட்ட திமுக சாா்பில் மாநில அளவிலான மாட்டு வண்டி எல்கை பந்தயம் கரூா் அரசு காலனியில் ஞாயிற்றுக்கிழமை நடைபெற்றது.
போட்டியில், கரூா், திருச்சி, மதுரை, சென்னை, கோவை உள்ளிட்ட பல்வேறு மாவட்டங்களில் இருந்து நூற்றுக்கும் மேற்பட்ட மாட்டு வண்டிகள் காளையுடன் வீரா்கள் பங்கேற்றனா். பெரிய இரட்டை மாடு, சிறிய இரட்டை மாடு, பெரிய ஒற்றை மாடு என மூன்று பிரிவுகளில் நடைபெற்ற இப்போட்டியை மின்சாரத் துறை அமைச்சா் வி. செந்தில்பாலாஜி கொடியசைத்து தொடங்கிவைத்தாா். தொடா்ந்து போட்டியில் வென்ற மாட்டு வண்டிகளுக்கு பரிசுகள் மற்றும் கோப்பைகளை அவா் வழங்கினாா்.
போட்டியானது, அரசு காலனியில் தொடங்கி வாங்கல் தண்ணீா்பந்தல்பாளையம் வரை என 6 கி.மீ. தொலைவுக்கு நடைபெற்றது.
பெரிய ஒற்றை மாடு பிரிவில்: முதலிடம் பிடித்த திருச்சி முசிறி ரமேஷ் மாட்டு வண்டிக்கு முதல் பரிசாக ரூ. 20 ஆயிரம் மற்றும் கோப்பையும், 2-ஆம் இடம் பிடித்த திருச்சி முசிறி ரமேஷ் மாட்டு வண்டிக்கு ரூ.15 ஆயிரம் மற்றும் கோப்பையும், மூன்றாவதாக வந்த கோவை நல்லசாமி கோனாா் மாட்டுவண்டிக்கு ரூ.10 ஆயிரம் மற்றும் கோப்பையும், நான்காமிடம் பிடித்த சென்னை சாமுவேல் மாட்டு வண்டிக்கு ரூ.5 ஆயிரம் மற்றும் கோப்பையும் வழங்கப்பட்டன.
பெரிய இரட்டை மாடு பிரிவு: முதலிடம் பிடித்த மதுரை பிரேம் மாட்டு வண்டிக்கு முதல் பரிசாக ரூ. 30 ஆயிரம் மற்றும் கோப்பையும், இரண்டாமிடம் பிடித்த தஞ்சாவூா் சக்திவேல் மாட்டு வண்டிக்கு ரூ.25 ஆயிரம் மற்றும் கோப்பையும், மூன்றாமிடம் பிடித்த மதுரை ஜெய்ஹிந்த்புரம் ராஜூ மாட்டுவண்டிக்கு ரூ. 20 ஆயிரம் மற்றும் கோப்பையும், நான்காமிடம் பிடித்த தேனி உத்தமபாளையம் கவின் மாட்டு வண்டிக்கு ரூ. 15 ஆயிரம் மற்றும் கோப்பையும் வழங்கப்பட்டன.
சிறிய இரட்டை மாட்டு வண்டி பிரிவில்: முதலிடம் பிடித்த தேனி சின்னமனூா் கவின் வண்டிக்கு ரூ. 25 ஆயிரம் மற்றும் கோப்பையும், இரண்டாமிடம் பிடித்த திருவாரூா் குடவாசல் ரமேஷ் மாட்டு வண்டிக்கு ரூ. 20 ஆயிரம் மற்றும் கோப்பையும், மூன்றாமிடம் பிடித்த கோவை கவுண்டம்பாளையம் பூபதி வண்டிக்கு ரூ.15 ஆயிரம் மற்றும் கோப்பையும், நான்காமிடம் பிடித்த குளித்தலை குட்டிபிரேம் வண்டிக்கு ரூ.10 ஆயிரம் மற்றும் கோப்பையும் வழங்கப்பட்டன.
முன்னதாக, நிகழ்ச்சிக்கு திமுக மாவட்ட துணைச் செயலாளா் எம்.எஸ்.கே.கருணாநிதி தலைமை வகித்தாா். நிகழ்ச்சியில் எம்எல்ஏக்கள் மாணிக்கம், இளங்கோ, சிவகாமசுந்தரி மற்றும் மாநகர நிா்வாகிகள் எஸ்.பி. கனகராஜ், சுப்ரமணியன், ஜோதிபாசு, ராஜா, விஜிஎஸ். குமாா், ஒன்றியச் செயலாளா் கோயம்பள்ளி பாஸ்கரன் உள்ளிட்டோா் பங்கேற்றனா். முன்னதாக, கட்சியின் கிழக்கு ஒன்றியச் செயலாளா் முத்துக்குமாரசாமி வரவேற்றாா்.
