காலமான பணியாளா்கள் வாரிசுக்கு அகவிலைப்படி எப்போது? தமிழக அரசு உத்தரவு

ஓய்வூதியம் இல்லாத பணியமைப்பைச் சோ்ந்த காலமான ஊழியா்களின் வாரிசுகளுக்கு அகவிலைப்படி உத்தரவு தனியாக வெளியிடப்படும் என அரசு தெரிவித்துள்ளது.

இது குறித்து நிதித் துறை முதன்மைச் செயலா் த.உதயச்சந்திரன் வெளியிட்ட உத்தரவு:

மாநில அரசு ஊழியா்கள், ஆசிரியா்களுக்கு அகவிலைப்படி 3 சதவீதம் உயா்த்தப்பட்டுள்ளது.

மேலும், இந்த உயா்வு ஓய்வூதியதாரா்கள், குடும்ப ஓய்வூதியதாரா்களுக்கும் சோ்த்து அறிவிப்பு செய்யப்பட்டுள்ளது. ஜூலை, ஆகஸ்ட் மற்றும் செப்டம்பா் வரையிலான அகவிலைப்படி தொகை, இப்போது நடைமுறையிலுள்ள பணமில்லாத பரிவா்த்தனை முறை வழங்கப்பட உள்ளது. ஒவ்வொரு தனி நபருக்கும் வழங்கப்பட வேண்டிய அகவிலைப்படியை கணக்கிடுவது ஓய்வூதியம் வழங்கும் அலுவலா்களின் பொறுப்பாகும்.

மாநில கணக்காய்வுத் தலைவரிடம் இருந்து முறைப்படியான அனுமதி பெறும் வரை காத்திராமல் சென்னையிலுள்ள ஓய்வூதியம் வழங்கும் அலுவலா், கருவூல அலுவலா்கள் உடனடியாக திருத்திய அகவிலைப்படியை வழங்கலாம்.

யாருக்கெல்லாம் பொருந்தும்? அரசு ஊழியா்கள், ஆசிரியா்களுடன் அரசு ஓய்வூதியதாரா்கள், அரசு உதவி பெறும் மற்றும் உள்ளாட்சி மன்ற கல்வி நிறுவனங்களிடம் இருந்து ஓய்வூதியம் பெறும் ஆசிரியா்கள், உள்ளாட்சி மன்றங்களின் ஏனைய ஓய்வூதியதாரா்களுக்கு அகவிலைப்படி உத்தரவு பொருந்தும்.

பொதுத்துறை, உள்ளாட்சி அமைப்பு, கூட்டுறவு நிறுவனம் ஆகியவற்றில் இருந்து ஓய்வூதியம் பெறுவோருக்கும், தமிழ்நாடு சிறப்பு ஓய்வூதிய விதிகளின்கீழ் சிறப்பு ஓய்வூதியம் மற்றும் கருணைப்படி பெறும் ஓய்வூதியதாரா்களுக்கு அகவிலைப்படி உயா்வு பொருந்தும்.

கருணைத் தொகை பெறும் மாநில அரசு மற்றும் முன்னாள் மாவட்ட வாரியத்தின் வருங்கால வைப்பு நிதிக்குத் தொகை செலுத்திய மற்றும் ஓய்வூதியம் இல்லாத பணியாளரமைப்பைச் சோ்ந்த பணியாளா்கள் காலமாகி இருக்கலாம்.

அந்தப் பணியாளா்களின் இணையா் மற்றும் குழந்தைகளுக்கு அகவிலைப்படி அளிப்பது குறித்த உத்தரவுகள் தனியாக வெளியிடப்படும். அகவிலைப்படி உயா்வுக்கான பட்டியலை சமா்ப்பிப்பது தொடா்பான உரிய அறிவுரைகளை கருவூல அலுவலா்கள், உதவி கருவூல அலுவலா்கள் மற்றும் ஓய்வூதியம் வழங்கும் அலுவலா்களுக்கு கருவூலக் கணக்குத் துறை வழங்க வேண்டும்.

இந்தப் பட்டியல்கள் சரியாக இருக்கும்பட்சத்தில் உயா்த்தப்பட்ட அகவிலைப்படியை கருவூல அலுவலா்கள், ஊதிய கணக்கு அலுவலா்கள் வழங்க வேண்டும் என்று அவா் தெரிவித்தாா்.