குண்டும் குழியுமான வின் நகா் பிரதான சாலை

திருவெறும்பூா் அருகே வின் நகரில் குண்டும் குழியுமாகக் காட்சியளிக்கும் பிரதான சாலையில் பொதுமக்கள் கடும் சிரமத்துக்கு ஆளாகி வருகின்றனா்.

திருச்சி திருவெறும்பூா் அருகே மாநகராட்சியின் 39-ஆவது வாா்டு வின் நகரில் சுமாா் 500-க்கும் மேற்பட்ட குடியிருப்புகள் உள்ளன. இந்தப் பகுதியில் உள்ள பிரதான சாலையானது, புதை வடிகால் பணிகளுக்காக பள்ளங்கள் தோண்டப்பட்ட நிலையில், சீரமைக்காமல் கிடப்பில் உள்ளது. இதன் காரணமாக, இச்சாலை குண்டும் குழியுமாகவும், பெய்து வரும் மழையால் தண்ணீா் தேங்கி சேரும் சகதியுமாகவும் காட்சியளிக்கிறது.

இதனால், இந்தக் குடியிருப்புப் பகுதியிலிருந்து அருகிலுள்ள தனியாா் பள்ளிகளுக்குச் செல்லும் மாணவ, மாணவிகளும், இங்குள்ள பத்திரப்பதிவு அலுவலகத்துக்கு நாள்தோறும் சென்று வரும் எண்ணற்ற வாகனங்களும், பல்வேறு பணிகளுக்குச் செல்லும் வாகன ஓட்டிகள், பொதுமக்களும் கடும் சிரமத்துக்கு ஆளாகி வருகின்றனா். இருசக்கர வாகனங்களில் செல்வோா் அடிக்கடி விபத்துகளில் சிக்குவதும் தொடா்கதையாகி வருகிறது.

இதுதொடா்பாக, அப்பகுதி மக்கள் சாலையை சீரமைத்துத் தரக் கோரி மாவட்ட நிா்வாகம், மாநகராட்சி நிா்வாகம், அரசியல்வாதிகளிடம் கோரிக்கை மனு அளித்துள்ளனா். ஆனால் இதுவரை எவ்வித நடவடிக்கையும் எடுக்கப்படவில்லை என இப்பகுதி மக்கள் குற்றஞ்சாட்டுகின்றனா்.

இதுகுறித்து மாநகராட்சி அலுவலா்களிடம் கேட்டபோது, சாலைகள் அமைப்பதற்கு ஒப்பந்தம் விடப்பட்டுள்ளது. மழைக்காலம் முடிந்தவுடன் சாலைகள் அமைக்கும் பணிகள் நடைபெறும் என்றாா்.

குடியிருப்புவாசிகள் மற்றும் பொதுமக்களின் நலனைக் கருத்தில் கொண்டு வின் நகா் பிரதான சாலையை சீரமைத்து, தரமான தாா்ச் சாலை அமைத்துக் கொடுக்க வேண்டும் என அப்பகுதி மக்கள் அரசுக்கு கோரிக்கை விடுத்துள்ளனா்.