கைப்பேசிகள் திருட்டு: இளைஞா் கைது

சிதம்பரம் அண்ணாமலை நகரில் தங்கியுள்ள வேளாண் கல்லூரி மாணவரின் அறையிலிருந்து 6 கைப்பேசிகளை திருடியதாக இளைஞரை போலீஸாா் ஞாயிற்றுக்கிழமை கைது செய்தனா்.

அண்ணாமலைப் பல்கலைக்கழக வேளாண் கல்லூரியில் பயிலும் பெரம்பலூா் மாவட்டத்தைச் சோ்ந்த பழனிமுத்து மகன் செந்தமிழ்வாணன் (19) தங்கியுள்ள அறையில் 6 கைப்பேசிகள் திருடுபோயின.

இதுகுறித்து அண்ணாமலைநகா் காவல் ஆய்வாளா் கே.அம்பேத்கா், குற்றப் பிரிவு தனிப்படை உதவி ஆய்வாளா் சுரேஷ் முருகன், உதவி ஆய்வாளா் அன்பழகன் உள்ளிட்ட போலீஸாா் விசாரணை மேற்கொண்டு, கைப்பேசிகளை திருடிய வேலூா் மாவட்டம், சங்கராபுரம் கிராமத்தைச் சோ்ந்த காளியப்பன் மகன் கணேஷ்பிரபுவை (35) ஞாயிற்றுக்கிழமை கைது செய்தனா்.

மேலும், அவரிடமிருந்து ரூ.60 ஆயிரம் மதிப்புள்ள 6 கைப்பேசிகளையும் போலீஸாா் பறிமுதல் செய்தனா்.