கோவை, மங்களூருக்கு தீபாவளி சிறப்பு ரயில்கள்: காலை 8 மணிக்கு முன்பதிவு தொடக்கம்

நன்றி: தினமணிஇணையதளம்.

தீபாவளிக்கு சென்னையில் இருந்து கோவை, மங்களூருக்கு சிறப்பு ரயில்கள் இயக்கப்படவுள்ளன.

இது குறித்து தெற்கு ரயில்வே புதன்கிழமை வெளியிடப்பட்ட செய்தி: சென்னை சென்ட்ரலில் இருந்து போத்தனூருக்கு அக். 29, நவ. 2 ஆகிய தேதிகளில் சிறப்பு ரயில் (எண் 06021) இயக்கப்படும். சென்ட்ரலில் இரவு 7 மணிக்கு புறப்படும் ரயில், மறுநாள் அதிகாலை 3.15 மணிக்கு போத்தனூா் சென்றடையும்.

மறுமாா்க்கமாக கோவையில் இருந்து அக். 30, நவ. 3 ஆகிய தேதிகளில் நள்ளிரவு 12.15 மணிக்கு புறப்படும் ரயில் காலை 9.30 மணிக்கு சென்னை சென்ட்ரல் வந்தடையும்.

இந்த ரயில் பெரம்பூா், திருவள்ளூா், அரக்கோணம், காட்பாடி, ஜோலாா்பேட்டை, சேலம், ஈரோடு, திருப்பூா், கோவை வழியாக இயக்கப்படும்.

கேரள மாநிலம் மங்களூரில் இருந்து அக். 29-ஆம் தேதி இரவு 7.30 மணிக்கு புறப்படும் சிறப்பு ரயில் (எண் 06047) மறுநாள் காலை 10.45 மணிக்கு சென்னை எழும்பூா் வந்தடையும்.

மறுமாா்க்கமாக சென்னை எழும்பூரில் இருந்து அக். 30-ஆம் தேதி பகல் 12.30 மணிக்கு புறப்படும் ரயில் (எண் 06048) மறுநாள் அதிகாலை 5.15 மணிக்கு மங்களூரு சென்றடையும்.

இந்த ரயில் காசா்கோடு, கண்ணூா், கோழிக்கோடு, ஷோரனூா், பாலக்காடு, போத்தனூா், திருப்பூா், ஈரோடு, சேலம், ஜோலாா்பேட்டை, காட்பாடி, அரக்கோணம், திருவள்ளூா், பெரம்பூா் வழியாக இயக்கப்படும்.

இந்த ரயில்களுக்கான முன்பதிவு வியாழக்கிழமை (அக். 24) காலை 8 மணிக்கு தொடங்கும்.

திருநெல்வேலியிலிருந்து...: தீபாவளி முடிந்து சென்னை திரும்புவோருக்கு வசதியாக திருநெல்வேலியில் இருந்து தாம்பரத்துக்கு நவ. 3-ஆம் தேதி சிறப்பு ரயில் இயக்கப்படும்.

திருநெல்வேலியில் இருந்து மாலை 4 மணிக்கு புறப்படும் ரயில் (எண் 06003) மறுநாள் அதிகாலை 4.10 மணிக்கு தாம்பரம் வந்தடையும்.

மறுமாா்க்கமாக தாம்பரத்தில் இருந்து நவ. 4-ஆம் தேதி பிற்பகல் 2.30 மணிக்கு புறப்படும் சிறப்பு ரயில் (எண் 06004) மறுநாள் அதிகாலை 5.15 மணிக்கு திருநெல்வேலி சென்றடையும்.

இந்த ரயில் சேரன்மகாதேவி, கல்லிடைக்குறிச்சி, அம்பாசமுத்திரம், கீழக்கடையம், பாவூா்சத்திரம், தென்காசி, கடையநல்லூா், சங்கரன்கோவில், ராஜபாளையம், ஸ்ரீவில்லிபுத்தூா், சிவகாசி, விருதுநகா், திருமங்கலம், மதுரை, சோழவந்தான், கொடைரோடு, திண்டுக்கல், மணப்பாறை, திருச்சி, ஸ்ரீரங்கம், அரியலூா், விருத்தாசலம், விழுப்புரம், திண்டிவனம், மேல்மருவத்தூா், செங்கல்பட்டு வழியாக இயக்கப்படும். இந்த ரயிலுக்கான முன்பதிவு தொடங்கியுள்ளது எனத் தெரிவிக்கப்பட்டுள்ளது.