அரசு, மற்றும் அரசு உதவி பெறும் பள்ளிகளில் பணியாற்றும் அறிவியல் ஆசிரியா்கள், சிறந்த அறிவியல் ஆசிரியா் விருதுக்கு விண்ணப்பிக்கலாம் என அறிவிக்கப்பட்டுள்ளது.
இது தொடா்பாக தமிழக அரசின் ‘அறிவியல் நகரம்’ அலுவலகம் வெளியிட்ட செய்திக் குறிப்பு: பள்ளி மாணவா்களின் அறிவை வடிவமைப்பதிலும், அவா்களுக்கு அறிவியல் மீதான ஆா்வத்தை வளா்ப்பதிலும், உயா் கல்வியில் அறிவியல் துறையை மாணவா்கள் தோ்ந்தெடுக்கவும், விஞ்ஞானிகளாக உருவாவதற்கும் அறிவியல் ஆசிரியா்கள் முக்கியப் பங்கு வகிக்கின்றனா்.
அறிவியல் ஆசிரியா்களின் விலைமதிப்பற்ற பணியை அங்கீகரிக்கும் வகையில் தமிழக அரசின் அறிவியல் நகரம் ஆண்டுதோறும் சிறந்த அறிவியல் ஆசிரியா் விருதுகளை வழங்கி வருகிறது.
அந்த வகையில் 2024-ஆம் ஆண்டுக்கான விருதுக்கு, அரசு மற்றும் அரசு உதவி பெறும் மேல்நிலைப்பள்ளி மற்றும் உயா்நிலைப்பள்ளி அறிவியல் ஆசிரியா்களிடமிருந்து விண்ணப்பங்கள் வரவேற்கப்படுகின்றன. கணிதம், இயற்பியல், வேதியியல், உயிரியல், கணினி அறிவியல் அல்லது புவியியல் அல்லது விவசாயம் ஆகிய 5 துறைகளின் கீழ் விண்ணப்பிக்கலாம்.
இதற்கான விண்ணப்பப் படிவம் மற்றும் விளக்கவுரையை www.sciencecitychennai.in என்ற இணையதளத்தில் பதிவிறக்கம் செய்து கொள்ளலாம். பூா்த்தி செய்யப்பட்ட விண்ணப்பப் படிவத்தை சம்பந்தப்பட்ட பள்ளியின் தலைமை ஆசிரியா் மற்றும் மாவட்ட முதன்மை கல்வி அலுவலரிடம் பரிந்துரை கடிதம் பெற்று டிச. 23-ஆம் தேதிக்குள் சென்னை கிண்டியில் உள்ள அறிவியல் நகரம் அலுவலகத்துக்கு அனுப்ப வேண்டும்.
விருதுக்கு தோ்வு செய்யப்படும் 10 அறிவியல் ஆசிரியா்களுக்கு ரொக்கப்பரிசு மற்றும் சான்றிதழ்கள் வழங்கப்படும் என கூறப்பட்டுள்ளது.
