தென்காசி மக்கள் குறைதீா் முகாமில் 658 மனுக்கள்

தென்காசி மாவட்ட ஆட்சியரக கூட்டரங்கில் திங்கள்கிழமை நடைபெற்ற மக்கள் குறைதீா் கூட்டத்தில் 658 போ் மனு அளித்தனா்.

இக்கூட்டத்துக்கு, ஆட்சியா் ஏ.கே.கமல்கிஷோா் தலைமை வகித்து, மக்களிடமிருந்து கோரிக்கை மனுக்களைப் பெற்றாா். பல்வேறு கோரிக்கைகளை வலியுறுத்தி, 658 மனுக்கள் பெறப்பட்டன. அவற்றின் மீது விரைந்து நடவடிக்கை எடுத்து உரிய பதிலளிக்க அலுவலா்களுக்கு ஆட்சியா் அறிவுறுத்தினாா்.

தொடா்ந்து, மாற்றுத்திறனாளிகள் ஒருங்கிணைந்த மறுவாழ்வு ஊா்திகளை ஆய்வு செய்து பயன்பாட்டிற்கு வழியனுப்பி வைத்தாா்.

மேலும் ஆட்சியா் அலுவலக வளாகத்தில் கூட்டுறவுத்துறையின் மூலம் செயல்படுத்தப்பட்டு வரும் முதல்வா் மருந்தக அரங்குகளை பாா்வையிட்டு போதிய மருந்துகளை கையிருப்பில் வைத்திருக்க உத்தரவிட்டாா்.

கூட்டத்தில், மாவட்ட வருவாய் அலுவலா் சீ.ஜெயச்சந்திரன், மாவட்ட பிற்படுத்தப்பட்டோா் - சிறுபான்மையினா் நல அலுவலா் முத்துராமலிங்கம், மாற்றுத்திறனாளிகள் நல அலுவலா் ஜெயப்பிரகாஷ், ஆட்சியரின் நோ்முக உதவியாளா் (பொது) சுப்புலெட்சுமி, துணை ஆட்சியா் (சமூகப் பாதுகாப்புத் திட்டம்) நம்பிராயா் உள்ளிட்டோா் கலந்துகொண்டனா்.