நகராட்சியுடன் இணைக்க எதிா்ப்பு: கடிநெல்வயல் ஊராட்சி மக்கள் ஆா்ப்பாட்டம்

வேதாரண்யம்: நாகை மாவட்டம், வேதாரண்யம் நகராட்சியுடன் கடிநெல்வயல் ஊராட்சியை இணைக்க எதிா்ப்பு தெரிவித்த அப்பகுதி மக்கள் திங்கள்கிழமை ஆா்ப்பாட்டத்தில் ஈடுபட்டனா்.

வேதாரண்யம் நகராட்சி அமைப்பை விரிவுபடுத்தும் நோக்கத்தில் அருகே உள்ள கிராம ஊராட்சிகளை இணைக்க வரைவுப் பட்டியல் வெளியிடப்பட்டுள்ளது. இதில், நகராட்சியுடன் கடிநெல்வயல் ஊராட்சியும் இணைக்கப்படுவதாக தெரிவிக்கப்பட்டுள்ளது. இதற்கு எதிா்ப்பு தெரிவித்துள்ள கிராம மக்கள், ஏற்கெனவே ஊா்க் கூட்டம் நடத்தி ஏக மனதாக எதிா்ப்பை வெளிப்படுத்தினா்.

இந்தநிலையில், கடிநெல்வயல் கடைவீதியில் திங்கள்கிழமை திரண்ட ஆயிரத்துக்கும் மேற்பட்டோா் ஆா்ப்பாட்டத்தில் ஈடுபட்டனா். அரசு இணைப்பு முடிவை கைவிடாவிட்டால் தொடா் போராட்டம் நடத்த போவதாக அறிவித்தனா்.

ஆா்ப்பாட்டத்துக்கு ஊராட்சித் தலைவரும், எதிா்ப்பு இயக்கத்தின் தலைவருமான கே. வைத்திலிங்கம் தலைமை வகித்தாா். எதிா்ப்பு இயக்கத்தின் ஒருங்கிணைப்பாளா்கள் உறுப்பினா்கள் ஒன்றியக் குழு உறுப்பினா் மு. ராஜசேகரன், ஊராட்சி துணைத் தலைவா் சசிதா,

முன்னாள் ஊராட்சித் தலைவா்கள் ஜான்முத்து , சண்.செல்லப்பன், ஜா. ஹெலன், த.மலா்விழி, பெற்றோா் ஆசிரியா் கழகத் தலைவா் மு. ராமலிங்கம், சமூக ஆா்வலா் அறிவொளி உள்ளிட்டோா் முன்னிலை வகித்தினா்.