பள்ளி மாணவருக்குப் பாலியல் தொல்லை: இளைஞா் மீது போக்ஸோ பிரிவில் வழக்குப் பதிவு

பள்ளி மாணவருக்குப் பாலியல் தொல்லை கொடுத்த இளைஞா் மீது போக்ஸோ பிரிவில் போலீஸாா் வழக்குப் பதிவு செய்துள்ளனா்.

ஈரோட்டைச் சோ்ந்த 11ஆம் வகுப்பு படிக்கும் 16 வயது சிறுவன் இன்ஸ்டாகிராமை பயன்படுத்தி வந்துள்ளாா். இதில் அவருக்கு, ஈரோடு வெண்டிபாளையம் பகுதியைச் சோ்ந்த தினேஷ் (23) என்பவா் அறிமுகமாகியுள்ளாா். கடந்த 2 மாதங்களாக அவா்கள் இன்ஸ்டாகிராமில் பேசி வந்துள்ளனா்.

இந்நிலையில், அந்தச் சிறுவனை தொடா்புகொண்ட தினேஷ், அவரை ஈரோடு வெண்டிபாளையம் பகுதிக்கு வருமாறு அழைத்துள்ளாா். அங்கு வெள்ளிக்கிழமை வந்த சிறுவனுக்கு தினேஷ் பாலியல் தொல்லைக் கொடுத்துள்ளாா். இதுகுறித்து அந்த சிறுவன் தனது பெற்றோரிடம் கூறியுள்ளாா்.

இதையடுத்து சிறுவனின் பெற்றோா், குழந்தைகள் நலக் குழுவினரிடம் தகவல் தெரிவித்துள்ளனா். இதுகுறித்து ஈரோடு அனைத்து மகளிா் காவல் நிலையத்தில் குழந்தைகள் நலக் குழுவினா் புகாா் தெரிவித்தனா்.

அதன்பேரில், மகளிா் போலீஸாா் சிறுவனிடம் விசாரணை மேற்கொண்டனா். அதில் அவருக்கு தினேஷ் பாலியல் தொல்லை கொடுத்தது உறுதியானது.

இதையடுத்து, தினேஷ் மீது போக்ஸோ பிரிவின் கீழ் போலீஸாா் வழக்குப் பதிவு செய்துள்ளனா். இந்நிலையில் தினேஷ் தலைமறைவாகிவிட்டாா். போலீஸாா் அவரைத் தேடி வருகின்றனா்.