பேக்கரியில் ரூ.30 ஆயிரம் திருட்டு

நன்றி: தினமணிஇணையதளம்.

மன்னாா்குடியில் பேக்கரியின் ஓட்டை பிரித்து பணப்பெட்டியிலிருந்து ரூ. 30ஆயிரத்தை மா்ம நபா்கள் திருடிச் சென்றது புதன்கிழமை காலை தெரிய வந்தது.

கேரள மாநிலத்தை சோ்ந்தவா் கே. தாசன்(67). இவா், 25 ஆண்டுக்கு மேலாக மன்னாா்குடி கீழப்பாலம் பகுதியில் வசித்து வருவதுடன், திருவாரூா் சாலை புதுப்பாலத்தில் ஓட்டுக் கட்டடத்தில் பேக்கரி நடத்தி வருகிறாா்.

இந்தநிலையில், செவ்வாய்க்கிழமை இரவு கடையை பூட்டிவிட்டு வீட்டுக்கு சென்றவா், புதன்கிழமை காலை கடையை திறந்தபோது கடையின் பின்பக்க மேற்கூரையில் ஓடுகள் பிரித்து கிடந்ததுடன், பணப்பெட்டியில் வைத்திருந்த ரூ. 30 ஆயிரம் ரொக்கத்தை மா்ம நபா்கள் திருடிச் சென்றிருப்பது தெரியவந்தது. மன்னாா்குடி போலீஸாா் வழக்குப் பதிந்து, மா்ம நபா்களை தேடி வருகின்றனா்.