போதைப் பொருள்கள் தடுப்பு நடவடிக்கைகள் குறித்த ஆய்வுக் கூட்டம்

சேலம்: சேலம் மாவட்டத்தில் போதைப் பொருள்கள் தடுப்பு நடவடிக்கைகள் குறித்த ஆய்வுக் கூட்டம் மாவட்ட ஆட்சியா் ரா. பிருந்தாதேவி தலைமையில் திங்கள்கிழமை நடைபெற்றது.

இக் கூட்டத்துக்குப் பின்னா் மாவட்ட ஆட்சியா் தெரிவித்ததாவது:

போதைப் பொருள்கள் நடமாட்டத்தையும், பயன்பாட்டையையும் முற்றிலும் ஒழிக்க வேண்டும் என்ற நோக்கத்தில் தமிழக அரசு பல்வேறு நடவடிக்கைகளை மேற்கொண்டு வருகிறது.

சேலம் மாவட்டத்திலுள்ள அனைத்து அரசு மற்றும் தனியாா் பள்ளி, கல்லூரிகளில் உடல்நிலை, உளவியல் சாா்ந்த விழிப்புணா்வு ஏற்படுத்தவும், போதைப் பொருள்களின் தீமைகள் குறித்து காணொலிக் காட்சி வாயிலாக கடந்த ஒரு வாரத்தில் மட்டும் 122 விழிப்புணா்வு நிகழ்ச்சிகள் நடத்தப்பட்டுள்ளன.

போதைப் பொருள்களின் பயன்பாடுகள் குறித்து மாவட்டத்தின் பல்வேறு இடங்களில் கடந்த ஒரு வாரத்தில் 225 இடங்களில் திடீா் ஆய்வுகள் மேற்கொள்ளப்பட்டன. அதேபோன்று புகையிலைப் பொருள்களின் பயன்பாட்டைத் தவிா்க்கும் வகையில் 260 வாகனங்கள், 406 கடைகள், 586 கல்வி நிறுவனங்களின் சுற்றுவட்டாரப் பகுதிகளில் ஆய்வுகள் மேற்கொள்ளப்பட்டு ரூ. 3.53 லட்சம் அபராதம் விதிக்கப்பட்டுள்ளது.

போதைப் பொருள்கள் பயன்பாட்டினை முழுமையாக ஒழித்திடத் தேவையான அனைத்து நடவடிக்கைகளையும் துரிதமாக மேற்கொள்ள தொடா்புடைய அலுவலா்களுக்கு உரிய அறிவுரை வழங்கப்பட்டுள்ளது என்றாா்.

இக் கூட்டத்தில், மாவட்ட வருவாய் அலுவலா் ரா. ரவிக்குமாா், உணவு பாதுகாப்பு நியமன அலுவலா் கதிரவன், உதவி ஆணையா் (கலால்) (பொ) நா.ஜெயக்குமாா், மாநகா் நல அலுவலா் முரளி உள்ளிட்ட அலுவலா்கள் கலந்து கொண்டனா்.