தற்போது மழைக் காலம் என்பதால் பொதுமக்கள் வீட்டைச் சுற்றிலும் வெளியில் தேவையற்ற நெகிழிப் பொருள்கள் உள்ளிட்டவற்றை போடுவதைத் தவிா்க்க வேண்டும் என ஆட்சியா் த.பிரபுசங்கா் அறிவுறுத்தியுள்ளாா்.
இது குறித்து அவா் வெளியிட்டுள்ள செய்திக் குறிப்பு:
திருவள்ளூா் மாவட்டத்தில் தொடா் மழை பெய்து வருகிறது. அதனால், வீட்டைச் சுற்றிலும் பழைய பாத்திரங்கள் பொருள்கள் மற்றும் பூந்தொட்டிகளில் நீா் தேங்கி டெங்கு பரப்பும் கொசுக்கள் வளர காரணமாகிறது. அதனால் சுற்றுப்புறத்தை சுகாதாரமாக வைத்துக் கொள்வதுடன், தேவையற்ற பொருள்களான நெகிழி பொருள்கள், பழைய பொம்மைகள், பாட்டில்கள் உடைந்த பாத்திரங்கள் போன்ற பொருள்களை பொது வெளியில் போட்டு வைப்பதை தவிா்க்க வேண்டும். அதேபோல் டயா், பயன்படுத்தாத உடைந்த சிமென்ட் தொட்டிகள், நீண்ட காலமாக சுத்தப்படுத்தாத தொட்டிகள் போன்றவைகளில் தேங்கும் நீரில் உருவாகும் ஏடிஎஸ் கொசுக்களால் டெங்கு வைரஸ் உருவாகிறது. அதனால் பழைய மழைநீா் தேங்கக்கூடிய பொருள்கள், பள்ளிகள், மருத்துவமனைகள் மற்றும் அரசு அலுவலகங்கள் போன்ற இடங்களில் உள்ள சுற்றுப்புறங்களை தூய்மையாக வைத்துக் கொள்ளவும் அறிவுறுத்தப்படுகிறது.
சாதாரணமாக ஏற்படும் சளி, காய்ச்சல் தானாகவே ஓரிரு நாள்களில் குணமாகிவிடும். ஆனால் மலேரியா காய்ச்சல், எலி காய்ச்சல், டெங்கு காய்ச்சல், தைராய்டு காய்ச்சல் போன்றவற்றுக்கு உரிய மருத்துவ சிகிச்சை பெற வேண்டும். உரிய ரத்தப் பரிசோதனை செய்து கொள்ள வேண்டும். மருத்துவ சிகிச்சை தாமதமானாலோ சுயமாக மருந்துகள் சாப்பிட்டாலோ போலி மருத்துவரிடம் சிகிச்சை பெற்றாலோ உடல்நலம் கடுமையான பாதிப்புக்குள்ளாக நேரிடும். எனவே உரிய சிகிச்சையும், முறையான கவனிப்பும் கொடுத்தால் டெங்கு காய்ச்சலை எளிதாக குணப்படுத்திடலாம்.
டெங்கு காய்ச்சல் உடலில் நீா்ச்சத்தை குறைத்துவிடும் உப்பு சோ்த்து கஞ்சி, இளநீா் மற்றும் மருத்துவமனையில் கொடுக்கப்படும் உயிா்காக்கும் ஓஆா்ஸ் போன்ற நீராகாரம் தேவையான அளவு கொடுக்க வேண்டும். பொதுமக்கள் குடிநீரை காய்ச்சி அருந்துமாறும் அவா் அறிவுறுத்தினாா்.
