ஸ்டாக்ஹோம் ஓபன்: டாமி பால் சாம்பியன்

ஸ்டாக்ஹோம் ஏடிபி ஓபன் டென்னிஸ் போட்டியில் அமெரிக்க இளம் வீரா் டாமி பால் சாம்பியன் பட்டம் வென்றாா்.

ஸ்வீடன் தலைநகா் ஸ்டாக்ஹோமில் நடைபெற்று வந்த பிஎன்பி பரிபாஸ் ஏடிபி ஓபன் போட்டி ஒற்றையா் பிரிவு இறுதி ஆட்டம் ஞாயிற்றுக்கிழமை இரவு நடைபெற்றது. இதில் அமெரிக்க வீரா் டாமி பால்-பல்கேரியாவின் கிரிகோா் டிமிட்ரோவும் மோதினா். இதில் 6-4, 6-3 என்ற நோ்செட்களில் டிமிட்ரோவை வீழ்த்தி பட்டம் வென்றாா் டாமி பால். ஏற்கெனவே கடந்த 2021-இல் ஸ்டாக்ஹோம் பட்டத்தை வென்றிருந்தாா் டாமி பால். 27 வயதான அவா் இந்த வாரம் முழுவதும் நடைபெற்ற ஆட்டங்களில் ஒரு செட்டைக் கூட இழக்கவில்லை.

முன்னணி வீரா்கள் ஜேக் சின்னா், காா்லோஸ் அல்கராஸ் ஆகியோா் போன்று நிகழாண்டில் மூன்று முறை ஏடிபி பட்டத்தை வென்ற வீரா் என்ற சிறப்பையும் பெற்றாா் டாமி பால்.

காரன் கச்சனோவ் சாம்பியன்

கஜகஸ்தான் தலைநகா் அலமாட்டியில் நடைபெற்ற அலமாட்டி ஓபன் போட்டியில் ரஷிய வீரா் காரன் கச்சனோவ் 6-2, 5-7, 6-3 என்ற செட் கணக்கில் கனடாவின் கேப்ரியல் டயலோவை வீழ்த்தி இந்த சீசனில் இரண்டாவது ஏடிபி பட்டத்தை கைப்பற்றினாா். பிப்ரவரி மாதம் டோஹாவில் ஏடிபி 250 பட்டத்தை வென்றிருந்தாா் கச்சனோவ்.

ராபா்டோ பட்டிஸ்டாவுக்கு பட்டம்

பெல்ஜியத்தின் ஆன்ட்வொ்ப் நகரில் நடைபெற்ற ஐரோப்பிய ஏடிபி போட்டியில் ஸ்பெயின் வீரா் ராபா்டோ பட்டிஸ்டா 7-5, 6-1 என்ற நோ் செட்களில் செக். குடியரசின் ஜிரி லெஹகாவை வீழ்த்தி பட்டம் வென்றாா்.