திருவள்ளூா் அருகே 10 பழங்குடியின மாணவா்களின் முழு கல்வி செலவையும் ஏற்பதோடு, திறன் மேம்பாட்டுப் பயிற்சி அளிக்கவும் தனியாா் தொண்டு நிறுவனம் முன்வந்துள்ளது.
திருவள்ளூரில் குளோபல் ஸ்கூல்ஸ் குரோத் என்ற தனியாா் தொண்டு நிறுவனம் உள்ளது. இந்தியா முழுவதும் உள்ள பள்ளி மாணவா்களிடையே தன்னாா்வ மற்றும் மனிதநேய எண்ணத்தை மேம்படுத்தும் வகையில் புதிய முயற்சி மேற்கொண்டு வருகிறது. கடந்த ஓராண்டுக்கும் மேலாக திருவள்ளூா் மெய்யூா் கிராமத்தில் பெண்கள், குழந்தைகள் மற்றும் மாணவா்களின் நலனுக்காகவும், வளா்ச்சிக்காகவும் பல்வேறு நலத்திட்டங்கள் செய்து வருகிறது. அதன் ஒரு பகுதியாக, வெம்பேடு கிராம மக்களுக்கு என்சூா் எஜுகேஷன் அன்ட் வெல்போ் டிரஸ்ட் உடன் இணைந்து இலவச ஆட்டோ சேவையை வழங்கியது.
வெம்பேடு கிராமத்தில் இருக்கும் மாணவா்கள் பள்ளிக்கு செல்ல சுமாா் 8 கி.மீ. நடந்து செல்ல வேண்டியுள்ளது. இதனால் அவா்களின் சிரமத்தைக் குறைக்கும் வகையிலும், அவா்களின் கற்றல் ஆா்வத்தை அதிகரிக்கும் நோக்கத்திலும், பள்ளி இடைநிற்றலைத் தடுக்கவும் நிறுவனா் லியோ ஆகாஷ் ராஜ் இந்த முன்னெடுப்பை மேற்கொள்வதாக தெரிவித்தாா்.
மேலும், ஒரு பழங்குடி கிராமத்தைச் சோ்ந்த 10 மாணவா்களின் முழு கல்வி செலவையும் பொறுப்பேற்று இருப்பதாகவும், தனியாா் பள்ளி மாணவா்களுக்கு நிகராக அரசுப் பள்ளியில் படிக்கும் பட்டியல், பழங்குடியின மற்றும் பின்தங்கிய கிராமத்தில் இருக்கும் மாணவா்களுக்கு திறன் மேம்பாட்டுப் பயிற்சி அளித்து அவா்களை அறிவில் சிறந்தவா்களாக உருவாக்குவதே நோக்கமாகும்.
அப்போது, இந்த நிகழ்வில் எஜுகேஷன் அன்ட் வெல்போ் டிரஸ்ட் நிறுவனா் ஜெரி கிறிஸ்டோபா், துணை நிறுவனா் அரவிந்த் கிருஷ்ணன், அமைப்பின் உறுப்பினா்கள் பாலாஜி, தீபக், பாலா, சஜாத் ஆகியோா் ஆகியோா் உடனிருந்தனா்.
