இந்தியாவின் டேவிட் வார்னர் இவர்தான்; இளம் வீரருக்கு புஜாரா புகழாரம்!
சேந்தமங்கலம் ஊராட்சியில் புதன்கிழமை நடைபெற்ற மக்கள் தொடா்பு திட்ட முகாமில் 106 பயனாளிகளுக்கு ரூ.1.06 கோடி நலத்திட்ட உதவிகளை ஆட்சியா் கலைச்செல்வி மோகன் வழங்கினாா்.
காஞ்சிபுரம் மாவட்டம், ஸ்ரீபெரும்புதூா் வட்டம் சேந்தமங்கலம் ஊராட்சியில் மக்கள் தொடா்பு திட்ட முகாம் புதன்கிழமை நடைபெற்றது. இதில் ஆட்சியா் கலைச்செல்விமோகன் கலந்து கொண்டு வருவாய்த் துறை சாா்பில் 43 பயனாளிகளுக்கு இலவச வீட்டுமனை பட்டா, மின்னணு குடும்ப அட்டை 23 பயனாளிகளுக்கும், முதலமைச்சரின் உழவா் பாதுகாப்பு திட்டத்தின் கீழ் இயற்கை மரணம் மற்றும் ஈமச்சடங்கு நிதியுதவி 4 பயனாளிகளுக்கும், திருமண நிதியுதவி 7 பயனாளிகளுக்கும், கல்வி உதவித்தொகை 8 பேருக்கும், தற்காலிக கொடிய நோய்களுக்கான உதவித்தொகை ஒருவருக்கும், ஊரக வளா்ச்சித் துறை மூலம் மகளிா் சுய உதவிக்குழு வங்கிக்கடன் 7 நபா்களுக்கும், வேளாண்மை உழவா் நலத்துறை மூலம் வேளாண் இடுபொருட்கள் 2 நபா்களுக்கும், தோட்டக் கலைத் துறை மூலம் மான்யத்துடன் நாற்றுகள் 2 நபா்களுக்கும், கூட்டுறவுத்துறை கால்நடை பராமரிப்புக்கடன் ஒருவருக்கும், மகளிா் சுயஉதவிக்குழு கடனுதவி 2 பேருக்கு என மொத்தம் 106 பயனாளிகளுக்கு ரூ.1.06 கோடி நலத்திட்ட உதவிகள் வழங்கி சிறப்புரையாற்றினாா்.
முகாமில் மாவட்ட வருவாய் அலுவலா் வெங்கடேஷ், ஸ்ரீபெரும்புதூா் கோட்டாட்சியா் சரவண கண்ணன், ஸ்ரீபெரும்புதூா் ஒன்றியகுழு தலைவா் எஸ்.டி.கருணாநிதி, சேந்தமங்கலம் ஊராட்சி மன்றத் தலைவா் சாா்லஸ் உள்ளிட்ட உள்ளாட்சி பிரதிநிதிகள், அரசு அதிகாரிகள், பொதுமக்கள் கலந்து கொண்டனா்.
