3 மாடிக் கட்டடம் இடிந்து விழுந்து விபத்து!

கர்நாடகத்தில் கோலார் மாவட்டத்தில் உள்ள பங்காரப்பேட்டை நகரில் 3 மாடிக் கட்டடம் இடிந்து விழுந்தது.

ராஜ் குமார் என்பவருக்கு சொந்தமான 3 மாடிக் கட்டடத்தின் தரைத் தளத்தில் சீரமைப்புப் பணிகள் மேற்கொண்டிருந்தபோது, முக்கியமான பில்லரை இடித்ததால் இந்த விபத்து ஏற்பட்டுள்ளது.

இக்குடியுருப்பில் சிக்கிய 3 குடும்பங்களை தீயணைப்புத் துறையினர் வெளியேற்றினர்.

மேலும், கட்டடம் இடிந்து விழுந்ததில் எதிரேயுள்ள தனியார் பள்ளியின் வளாகமும் சேதமடைந்துள்ளதாக அதிகாரிகள் தெரிவித்தனர்.

இதையும் படிக்க: திருப்பதிக்கு தனி மாநில அந்தஸ்து கோரிய மனு தள்ளுபடி!

இந்த சம்பவம் தொடர்பாக வழக்குப் பதிவு செய்யப்பட்டு விசாரணை மேற்கொள்ளப்பட்டு வருகிறது.

3 மாடிக் கட்டடம் இடிந்து விழுந்த விபத்தில் இதுவரை யாருக்கும் உயிர்ச்சேதம் எதுவும் ஏற்படவில்லை என்று முதல்கட்ட தகவல்கள் தெரிவிக்கின்றன.