Viduthalai Part 2 : "இந்தப் படத்துல நான் ரொம்ப ரசிச்ச கதாபாத்திரம்..." - விஜய் சேதுபதி

வெற்றிமாறன் இயக்கத்தில் உருவாகியுள்ள 'விடுதலை பாகம் 2' திரைப்படம் வரும் டிசம்பர் 20ம் தேதி திரையரங்குகளில் வெளியாகவிருக்கிறது. இத்திரைப்படத்திற்கு இளையராஜா இசையமைத்துள்ளார்.

சூரி, விஜய் சேதுபதி முன்னணி கதாபாத்திரத்தில் நடிக்க பிரகாஷ்ராஜ், சேத்தன், மூணார் ரமேஷ், பவானிஶ்ரீ, இளவரசு, பாலாஜி சக்திவேல், மஞ்சுவாரியர், கிஷோர், போஸ் வெங்கட் உள்ளிட்ட பலர் இப்படத்தில் நடித்திருக்கின்றனர். இப்படத்தின் முதல் பாகமே நல்ல வரவேற்பைப் பெற்ற நிலையில் இதன் இரண்டாம் பாகத்திற்கு மிகுந்த எதிர்பார்ப்பு இருந்து வருகிறது. இத்திரைப்படம் வரும் டிசம்பர் 20ம் தேதி வெளியாகவுள்ள நிலையில் 'விடுதலை பாகம் 2 இசை மற்றும் ட்ரெய்லர் வெளியீட்டு விழா இன்று சென்னையில் நடைபெற்று வருகிறது.

இவ்விழாவில் பேசியிருக்கும் நடிகர் விஜய் சேதுபதி, "இந்தப் படத்துல ஏற்பட்ட அனுபவம் பிரமாண்டாமானது. நான் ரசிச்ச கதாபத்திரம் ராஜீவ் மேனன் சார்தான். அவர் ரொம்ப அற்புதமாக நடிசுருக்காரு. அவர் நிச்சயம் என்டர்டெயின் பண்ணுவார். கென்கூட 10 மணி நேரம்கூட பேசலாம். அந்தளவுக்கு சுவாரஸ்யமாகப் பேசுவாரு. 'அசுரன்' படத்துக்குப் பிறகு இடைவெளி விட்டதுக்கு நான் அவனை திட்டுனேன்.

படத்துக்கு செட் போட்டு 1970 காலத்திற்குக் கூட்டிட்டு போனாரு கலை இயக்குநர். நான் எனக்கு தெரிஞ்சவங்களை அழைத்து பார்க்க சொன்னேன். ராஜா சார் ஐ லவ் யூ.... ராஜா சார் பாடலை ரசிக்கிறதே பெரும் தவமாக கருதும் எனக்கு அவர் இசையமைக்கிற படத்துல நடிக்கிறதுக்கு வாய்ப்பு கிடைச்சுருக்கு.

அவர் இசை மட்டுமல்ல பேச்சுக்கள் மூலமாகவும் நிறைய விஷயங்கள் கத்துக்கிறேன். வெற்றி மாறன் இந்த படத்துக்கு நாங்க உறுதுணையாக இருந்தது ரொம்ப பெரிய விஷயம். மூன்றாண்டுகள் நான் டிகிரி படிச்சேன். இப்போது நான்கு வருடம் வெற்றி மாறன் சார் படத்தில நான் படிச்சுருக்கேன். இந்த படத்தோட வாத்தியார் வெற்றி மாறன் சார்தான்." என்று பேசியிருக்கிறார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/VaigainathiNaagarigam