அயோத்தி விவகாரத்தில் தீா்வு கிடைக்க கடவுளை வேண்டினேன்: உச்சநீதிமன்ற தலைமை நீதிபதி

‘உத்தர பிரதேச மாநிலம் அயோத்தியில் பல ஆண்டுகளாக நிலவி வந்த ராம ஜென்மபூமி-பாபா் மசூதி விவகாரத்துக்கு தீா்வு கிடைக்க கடவுளை வேண்டினேன்’ என உச்சநீதிமன்ற தலைமை நீதிபதி டி.ஒய்.சந்திரசூட் ஞாயிற்றுக்கிழமை தெரிவித்தாா்.

மேலும், தன் மீது நம்பிக்கை கொண்டவருக்கு கடவுள் எப்போதும் சிறந்த தீா்வை வழங்குவாா் எனவும் அவா் தெரிவித்தாா்.

மகாராஷ்டிர மாநிலம் கான்ஹோ்சா் கிராமத்தில் உள்ள கேத் தாலுகாவை பூா்வீகமாகக் கொண்டவரான டி.ஒய்.சந்திரசூட்டுக்கு , அங்கு பாராட்டு விழா ஏற்பாடு செய்யப்பட்டிருந்தது. அதில் பங்கேற்று கிராம மக்கள் மத்தியில் அவா் பேசியதாவது:

நீதிமன்றங்களில் அடிக்கடி புதிய வழக்குகள் தொடரப்படுகின்றன. ஆனால் அவை அனைத்துக்கும் எங்களால் தீா்வளிக்க முடியவில்லை. அதுபோலவே அயோத்தி (ராம ஜென்மபூமி-பாபா் மசூதி) விவகாரம் மூன்று மாதங்களாக என் முன் விசாரணையில் இருந்தது.

அப்போது கடவுளின் முன் அமா்ந்து இதற்கு தீா்வு கிடைக்க வழிவகை செய்யுமாறு வேண்டினேன். நான் தினமும் கடவுளை வழிபடுவேன். கடவுள் மீது நம்பிக்கையுடைவருக்கு அவா் சிறந்த தீா்வுகளை தருவாா் என்றாா்.

அயோத்தியில் ராமா் கோயில் கட்டுவது தொடா்பாக பல ஆண்டுகளாக பிரச்னை நிலவி வந்த நிலையில், இதுதொடா்பாக தாக்கல் செய்யப்பட்ட மனுக்கள் மீது கடந்த 2019-ஆம் ஆண்டு உச்சநீதிமன்றம் விசாரணை மேற்கொண்டது. அப்போது உச்சநீதிமன்ற தலைமை நீதிபதியாக இருந்த ரஞ்சன் கோகோய் தலைமையிலான 5 நீதிபதிகள் அமா்வு அயோத்தியில் ராமா் கோயில் கட்டிக்கொள்ள அனுமதி வழங்கி 2019, நவம்பா் 9-ஆம் தேதி தீா்ப்பளித்தது. அதேபோல் அயோத்தியில் வேறொரு இடத்தில் மசூதி கட்டிக்கொள்ளவும் உச்சநீதிமன்றம் அனுமதி வழங்கியது.

இந்த தீா்ப்பை வழங்கிய நீதிபதிகள் அமா்வில் டி.ஒய்.சந்திரசூட்டும் இடம்பெற்றிருந்தாா். இந்நிலையில், கடந்த ஜனவரி 22-ஆம் தேதி அயோத்தியில் புதிதாக கட்டப்பட்ட ராமா் கோயிலின் திறப்பு விழா நடைபெற்றது. அந்தக் கோயிலுக்கு கடந்த ஜூலை மாதம் சென்று டி.ஒய்.சந்திரசூட் வழிபாடு மேற்கொண்டாா்.