அவதூறு வழக்கு: அதிஷிக்கு அனுப்பப்பட்ட சம்மன் ரத்து!

பாஜக தலைவர் ஒருவர் தொடர்ந்த அவதூறு வழக்கில் முதல்வர் அதிஷிக்கு அனுப்பப்பட்ட சம்மனைத் தில்லி நீதிமன்றம் ரத்து செய்தது.

முன்னதாக ஆம் ஆத்மி ஒருங்கிணைப்பாளர் அரவிந்த் கேஜரிவாலை அமலாக்கத்துறை கைது செய்த நிலையில், தன்னை பாஜகவில் சேருமாறும், இலையெனில் அமலாக்கத்துறை சோதனையை எதிர்கொள்ளத் தயாராகுங்கள் என அச்சுறுத்தியதாகவும் அதிஷி குறிப்பிட்டார்.

இதற்கு மறுப்பு தெரிவித்து பாஜக தலைவர் பிரவீன் சங்கர் கபூர், முதல்வர் அதிஷி மீது அவதூறு வழக்கு தொடர்ந்திருந்தார்.இதை எதிர்த்து அதிஷி மேல்முறையீடு செய்தார்.

தில்லி முதல்வர் அதிஷிக்கு நிவாரணம் அளிக்கும் விதமாக, பாஜக தலைவர் தொடர்ந்த அவதூறு வழக்கை செவ்வாய்க்கிழமை ரோஸ் அவென்யூ நீதிமன்றம் ரத்து செய்தது.

அதிஷிக்கு சம்மன் அனுப்பிய நீதிபதி நீதிமன்றத்தின் உத்தரவுக்கு எதிராக ஆம் ஆத்மி தலைவர் தாக்கல் செய்த மேல்முறையீட்டில் சிறப்பு நீதிபதி விஷால் கோக்னே இந்த உத்தரவைப் பிறப்பித்தார்.