இரும்புப் பதாகையில் பைக் மோதி நடத்துநா் உயிரிழப்பு

உத்தமபாளையத்தில் இரும்புப் பதாகை மீது இரு சக்கர வாகம் மோதியதில் அரசுப் பேருந்து நடந்துநா் உயிரிழந்தாா்.

தேனி மாவட்டம், உத்தமபாளையம் , சூா்யநாராயணபுரத்தை சோ்ந்த செல்லையா மகன் ஆரோக்கியசாமி (51). இவா் அரசுப் போக்குவரத்து கழகம் மதுரை புகா் கிளையில் நடத்துநராக பணியாற்றினாா்.

இவா் வியாழக்கிழமை சின்னமனூா் சென்றுவிட்டு, மாலையில் மீண்டும் உத்தமபாளையம் நோக்கி இரு சக்கர வாகனத்தில் திரும்பினாா்.

அப்போது, உத்தமபாளையம் புறவழிச் சாலையோர இரும்பு அறிவிப்புப் பதாகை மீது இரு சக்கர வாகனம் மோதியது. இதில், பலத்த காயமடைந்தவரை அக்கம் பக்கத்தினா் மீட்டு உத்தமபாளையம் அரசு மருத்துவமனையில் சோ்த்தனா். ஆனால், அவரைப் பரிசோதித்த மருத்துவா் அவா் ஏற்கெனவே உயிரிழந்து விட்டதாகத் தெரிவித்தாா். இதுகுறித்து உத்தமபாளையம் போலீஸாா் வழக்குப் பதிந்து விசாரிக்கின்றனா்.