ஒரே நாடு, ஒரே தோ்தல் அறிவிப்புக்கு எதிா்ப்பு: மாா்க்சிஸ்ட் கம்யூனிஸ்ட் கண்டன ஆா்ப்பாட்டம்

ஒரே நாடு ஒரே தோ்தல் அறிவிப்புக்கு எதிா்ப்புத் தெரிவித்து மாா்க்சிஸ்ட் கம்யூனிஸ்ட் கட்சியின் சாா்பில் கண்டன ஆா்ப்பாட்டம் நடைபெற்றது.

மத்திய அரசின் ‘ஒரே நாடு ஒரே தோ்தல்’ அறிவிப்புக்கு எதிா்ப்புத் தெரிவித்தும், அத்தியாவசியப் பொருள்கள் விலை உயா்வை தடுக்க வேண்டும். வேலையில்லா திண்டாட்டத்தை போக்க நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தி மாா்கிச்ஸ்ட் கம்யூனிஸ்ட் கட்சியின் சாா்பில் கண்டன ஆா்ப்பாட்டம் செவ்வாய்க்கிழமை நடைபெற்றது.

மதுரை மாவட்டம், சமயநல்லூரில் நடைபெற்ற ஆா்ப்பாட்டத்துக்கு ஒன்றியக் குழு உறுப்பினா் கே.அமிா்தவல்லி தலைமை வகித்தாா்.

மேற்கு ஒன்றியச் செயலா் ம. தனபாலன், மாவட்டக் குழு உறுப்பினா் ச.மலா்விழி, ஒன்றியக் குழு உறுப்பினா்கள் எஸ்.சரஸ்வதி, கே.பாண்டியன், ஆகியோா் கோரிக்கைகளை விளக்கிப் பேசினா்.

மாநிலக் குழு உறுப்பினா் எஸ்.கே.பொன்னுத்தாய் நிறைவுறையாற்றினாா். கிளைச் செயலா் கே.சுப்பிரமணி நன்றி கூறினாா்.

இதேபோல, கிழக்கு தாலுகா குழு சாா்பில் யா.ஒத்தக்கடையில் நடைபெற்ற ஆா்ப்பாட்டத்துக்கு தாலுகாக் குழு உறுப்பினா் எம்.துபாய் பாண்டி தலைமை வகித்தாா்.

தாலுகாக் குழு உறுப்பினா் எம். பொன்மாரி முன்னிலை வகித்தாா். செயலா் எம். கலைச்செல்வன், மாவட்டக் குழு உறுப்பினா் எஸ்.மாயாண்டி ஆகியோா் கோரிக்கைகளை விளக்கிப் பேசினா். மாவட்டச் செயற்குழு உறுப்பினா் த.செல்லக்ககண்ணு நிறைவுரையாற்றினாா்.