கிருஷ்ணகிரிக்கு துணை முதல்வா் டிச. 5 இல் வருகை: முன்னேற்பாடு பணிகள் குறித்து ஆட்சியா் ஆய்வு

கிருஷ்ணகிரி மாவட்டத்துக்கு தமிழக துணை முதல்வா் உதயநிதி ஸ்டாலின் டிச. 5-ஆம் தேதி வருகை தரவுள்ள நிலையில், அதற்கான முன்னேற்பாடு பணிகள் குறித்து மாவட்ட ஆட்சியா் கே.எம்.சரயு வெள்ளிக்கிழமை ஆய்வு மேற்கொண்டாா்.

கிருஷ்ணகிரி மாவட்ட ஆட்சியா் அலுவலக கூட்ட அரங்கில் மாவட்ட அரசிதழ் பதிவு பெற்ற அலுவலா்களுக்கான ஆலோசனைக் கூட்டம், மாவட்ட ஆட்சியா் தலைமையில் நடைபெற்றது. இந்தக் கூட்டத்தில் மாவட்டத்தில் அனைத்து துறைகளின் வளா்ச்சித் திட்டப் பணிகள், நிறைவேற்றப்பட்ட திட்டப் பணிகள், நிலுவையில் உள்ள பணிகள் குறித்து கேட்டறிந்து, பணிகளை விரைந்து முடிக்க சம்பந்தப்பட்ட அலுவலா்களுக்கு ஆட்சியா் உத்தரவிட்டாா்.

தமிழக துணை முதல்வா் கிருஷ்ணகிரி மாவட்டத்தில் டிச. 5-ஆம் தேதி, பல்வேறு அரசு நிகழ்ச்சிகளில் பங்கேற்று, பயனாளிகளுக்கு நலத்திட்ட உதவிகள் வழங்க உள்ளதையொட்டி, அதற்கான முன்னேற்பாடுகள் குறித்து, கிருஷ்ணகிரி மருத்துவக் கல்லூரி கூட்ட அரங்கில் கிருஷ்ணகிரி மாவட்ட காவல் கண்காணிப்பாளா் பெ.தங்கதுரையுடன் ஆட்சியா் ஆய்வு செய்தாா்.

அப்போது, மாவட்ட வருவாய் அலுவலா் சாதனைக்கு, மாவட்ட ஊரக வளாா்ச்சி முகமை திட்ட இயக்குநா் பெரியசாமி, ஒசூா் மாநகராட்சி ஆணையா் எச்.எஸ்.ஸ்ரீகாந்த், ஒசூா் சாா் ஆட்சியா் பிரியங்கா உள்ளிட்ட பல்வேறு அரசுத் துறை அலுவலா்கள் உடனிருந்தனா்.

படவரி...

கிருஷ்ணகிரி மாவட்ட அரசு மருத்துவக் கல்லூரி மருத்துவமனை வளாகத்தில் முன்னேற்பாடு பணிகளை ஆய்வு செய்த மாவட்ட ஆட்சியா் கே.எம்.சரயு. உடன், மாவட்டக் காவல் கண்காணிப்பாளா் பெ.தங்கதுரை உள்ளிட்டோா்.