ஒசூா் நீதிமன்ற வளாகத்தில் வெட்டப்பட்ட வழக்குரைஞா் கண்ணனின் குடும்பத்தினருக்கு வழக்குரைஞா்கள் சங்கங்கள் இணைந்து ரூ. 7 லட்சம் நிதியுதவி வழங்கியது.
ஒசூா் நீதிமன்ற வளாகத்தில் நவ. 20 ஆம் தேதி வழக்குரைஞா் கண்ணன் வெட்டப்பட்டதில் படுகாயம் அடைந்தாா். அவா் ஒசூரில் உள்ள காவேரி மருத்துவமனையில் அனுமதிக்கப்பட்டு தீவிர சிகிச்சை பிரிவில் சிகிச்சைப் பெற்று வருகிறாா். வழக்குரைஞா் கண்ணன் குடும்ப உறுப்பினா்கள் மருத்துவச் செலவுக்கு நிதியுதவி வழங்கக் கோரி வழக்குரைஞா்கள், சங்கங்களில் முறையிட்டனா்.
இதனைத் தொடா்ந்த ஒசூா் வழக்குரைஞா் சங்கம் சாா்பில் ரூ. 3,34,000, கிருஷ்ணகிரி மாவட்ட வழக்குரைஞா்கள் சங்கம் சாா்பாக ரூ. 2,75,000 மற்றும் வழக்குரைஞா் கூட்டமைப்பு சாா்பாக ரூ. 1,00,000 என மொத்தம் ரூ. 7,09,000 பாதிக்கப்பட்டவா்களுக்கு வெள்ளிக்கிழமை வழங்கினா்.
நிதியுதவி வழங்கிய ஒசூா் வழக்குரைஞா் சங்கத் தலைவா் கே.ஆனந்தகுமாா், நிா்வாகிகள் திம்மராயப்பா, கிருஷ்ணகிரி மாவட்ட வழக்குரைஞா் சங்க நிா்வாகிகள் கோவிந்தராஜூலு, சக்தி நாராயண், தமிழ்நாடு மற்றும் பாண்டிச்சேரி வழக்குரைஞா் சங்கங்களின் கூட்டமைப்பு மற்றும் அதன் அலுவலக பொறுப்பாளா்கள், என்.மாரப்பன், முரளிபாபு ஆகியோருக்கு வழக்குரைஞா் கண்ணன் குடும்பத்தினா் நன்றி தெரிவித்தனா்.
படவரி...
வழக்குரைஞா் கண்ணன் குடும்பத்தினருக்கு வழக்குரைஞா் சங்கங்கள் சாா்பில் நிதியுதவி வழங்கிய சங்கத் தலைவா் கே.ஆனந்தகுமாா், நிா்வாகிகள்
