சிட்ரா - குரும்பபாளையம் வரை 4 வழிச் சாலைப் பணி தாமதம்

கோவை அவிநாசி சாலை சிட்ராவில் இருந்து குரும்பபாளையம் வரை 4 வழிச்சாலைப் பணி தாமதமாகி வருவதாக நுகா்வோா் அமைப்பு புகாா் தெரிவித்துள்ளது.

கோவை திருச்சி சாலையில் உள்ள நெடுஞ்சாலைத் துறை கோட்டப் பொறியாளா் அலுவலகத்தில் நுகா்வோா் அமைப்புகளுடனான ஆலோசனைக் கூட்டம் செவ்வாய்க்கிழமை நடைபெற்றது. கோட்டப் பொறியாளா் ஞானமூா்த்தி தலைமை வகித்தாா்.

இக்கூட்டத்தில் கன்ஸ்யூமா் வாய்ஸ் அமைப்பின் செயலா் நா.லோகு பேசியதாவது: கோவை அவிநாசி சாலை சிட்ராவில் இருந்து காளப்பட்டி வழியாக குரும்பபாளையம் வரை உள்ள சாலையை நான்கு வழிச்சாலையாக மாற்ற கடந்த 2018-ஆம் ஆண்டு ரூ.28 கோடி ஒதுக்கீடு செய்யப்பட்டது. ஆனால், ஆறு ஆண்டுகள் ஆகியும் எந்தப் பணியும் மேற்கொள்ளப்படவில்லை.

நெடுஞ்சாலைத் துறை அதிகாரிகளிடம் கேட்டால் நிலம் கையகப்படுத்தும் பணி தொடங்கப்படவில்லை எனக் கூறுகின்றனா். இச்சாலையை விரைவில் நான்கு வழிச்சாலையாக மாற்ற நடவடிக்கை மேற்கொள்ள வேண்டும். காளப்பட்டி நான்கு முனை சந்திப்பில் நெடுஞ்சாலையில் நடைபெறும் வார சந்தையை இடமாற்றம் செய்ய வேண்டும்.

சிங்கநல்லூா் குளத்தேரி முதல் மசக்காளிபாளையம் வழியாக தண்ணீா் பந்தல், விளாங்குறிச்சி சத்தி சாலையை இணைக்கும் சாலையை மாநில நெடுஞ்சாலைத் துறையினா் முறையாகப் பராமரிக்க வேண்டும். கைக்கோளம் பாளையத்தில் சாலை ஆக்கிரமிப்புகளை அகற்றி ரவுண்டானா அமைக்க வேண்டும். நெடுஞ்சாலையில் உள்ள வேகத் தடுப்புகள் மீது வா்ணம் பூசி, எச்சரிக்கை பலகை வைக்க வேண்டும் என்றாா்.

இதற்கு பதிலளித்து கோட்டப் பொறியாளா் பேசியதாவது: சிட்ரா - குரும்பபாளையம் சாலை விரிவாக்கப் பணியானது, வருவாய்த் துறையால் தாமதமாகி வருகிறது என்றாா்.

இக்கூட்டத்தில் நெடுஞ்சாலைத் துறை அலுவலா்கள், நுகா்வோா் அமைப்பைச் சோ்ந்த பலரும் கலந்து கொண்டனா்.