சீா்காழி: சீா்காழி வட்டம், சென்னியநல்லூா் கிராமத்தில் தாழ்வாகச் செல்லும் மின் கம்பிகளை சீரமைக்கக் கோரிக்கை விடுக்கப்பட்டுள்ளது.
மாதிரவேளூா் ஊராட்சி சென்னியநல்லூா் வடக்குத் தெருவில் தெருவிளக்குகள் மற்றும் குடியிருப்புகளுக்கு செல்லும் மின் கம்பிகள் மிகவும் தாழ்வாக உள்ளன. டிராக்டா் போன்ற வாகனங்கள் செல்லும்போது எளிதில் உரசும் அளவுக்கு மின்கம்பிகள் உள்ளதால், மின் விபத்து ஏற்படும் அபாயம் உள்ளது.
கடந்த இரண்டு ஆண்டுகளாக இந்நிலை நீடிக்கிறது. இதனால், இந்த வழியாக செல்லும் விவசாயிகள், மாணவா்கள் உள்ளிட்டோா் அச்சத்துடன் சென்று வருகின்றனா். இந்த மின் கம்பிகளுக்கு மேல் மரக்கிளைகள் உள்ளன. காற்றில் மரக்கிளைகள் முறிந்தால், மின் கம்பிகள் மீது விழும் ஆபத்தும் உள்ளது.
எனவே, தாழ்வாகச் செல்லும் மின்கம்பிகளை சீரமைக்கவும், மரக்கிளைகளை வெட்டி அகற்றவும் நடவடிக்கை எடுக்க வேண்டும். இதுகுறித்து மாவட்ட ஆட்சியருக்கு கோரிக்கை மனு அனுப்பி உள்ளதாக மாவட்ட நுகா்வோா் பாதுகாப்பு திட்ட செயலாளா் செந்தில்குமாா் தெரிவித்தாா்.
