பங்களாவின் சாமான்களின் இருப்புப் பட்டியல்: கேஜரிவால், முதல்வா் அதிஷி மீது பாஜக சாடல்

முதல்வராக இருந்தபோது தில்லியில் அரவிந்த் கேஜரிவால் வசித்த பங்களாவின் சாமான்களின் இருப்புப் பட்டியல் ஊடகங்களிலும் சமூக ஊடகங்களிலும் பரபரப்பாக விவாதிக்கப்படுவதால், கேஜரிவாலும், முதல்வா் அதிஷியும் இந்த பங்களாவை மக்கள் பாா்வையில் இருந்து ஏன் மறைக்க விரும்புகிறாா்கள் என்பதைத் தெளிவுபடுத்துமாறு தில்லி பாஜக தலைவா் வீரேந்திர சச்தேவா கோரியுள்ளாா்.

தில்லி பாஜக தலைவா் வீரேந்திர சச்தேவா இதுகுறித்து மேலும் கூறியதாவது:

முன்னாள் முதல்வா் அரவிந்த் கேஜரிவாலின் பங்களாவின் சாமான்களின் இருப்புப் பட்டியல் ஊடகங்களில் விவாதப் பொருளாக மாறியுள்ளது. இது, கேஜரிவாலும் அதிஷி மா்லேனாவும் இப்பங்களாவை மக்கள் பாா்வையில் இருந்து ஏன் மறைக்க விரும்புகின்றனா் என்பதை

காட்டியிருக்கிறது.

முதல்வரின் இல்லம் நவீன வசதிகளுடன் சிறப்பாகப் பராமரிக்கப்பட வேண்டும் என்றபோதிலும், வசதிகள்

அளிப்பது என்ற போா்வையில் அரசுப் பணத்ை செலவழித்து ஆடம்பரத்தில் ஈடுபடுவது கண்டிக்கத்தக்கதாகும்.

மக்கள்தொகையில் பாதி பேருக்கு ரூ. 1 கோடிக்கு சொந்த வீடு என்பது தொலைதூரக் கனவாகவே உள்ளது. ஆனால் கேஜரிவாலின் பங்களாவின் இருப்புப் பட்டியல்

விவரமானது கழிவறை இருக்கைகள் மட்டும் ரூ.

1 கோடி செலவில் அமைக்கப்பட்டிருப்பதை சுட்டிக்காட்டுகிறது. ஆனால் இப்போது அவை காணாமல் போய்விட்டன. அதேபோன்று, ரூ.15 கோடிக்கும் அதிகமான சுகாதாரப் பொருட்கள் மற்றும் ரூ.5 கோடிக்கு மேல் அலங்காரப் பொருட்கள் உள்ளன.

மேலும், இந்தப் பட்டியலில் ரூ.5.6 கோடி மதிப்பிலான திரைச்சீலைகள் மற்றும் பல லட்சம் செலவில் சோஃபாக்கள், முழு குளிரூட்டப்பட்ட குடியிருப்பு ஆகியவை ஆடம்பரம் அதிகரித்திருப்பதைக் காட்டுகிறது.

நீராவி அடுப்புகள், மைக்ரோவேவ்கள், காபி தயாரிக்கும் இயந்திரங்கள், சலவை இயந்திரங்கள் போன்ற சாதனங்கள் ஒரு சாதாரண மனிதனின் கற்பனைக்கு அப்பாற்பட்டவை. ‘சாமானிய மனிதனை‘ பிரதிநிதித்துவம் செய்வதாகக் கூறும் கேஜரிவால் வசித்த பங்களாவில் நிறுவப்பட்டுள்ளன.

இந்த வெளிப்பாடுகளின் காரணமாக, அதிஷி நெறிமுறையாகச் செயல்பட்டு, பங்களாவில் உள்ள அனைத்துப் பொருள்களையும் ஆய்வு செய்து பகிரங்கமாக வெளியிடுமாறு ஊடகப் பிரதிநிதிகளை அழைக்க வேண்டும் என வீரேந்திர சச்தேவா கோரியுள்ளாா்.