தில்லி சட்டம்-ஒழுங்கு சீா்குலைவுக்கு ஆம் ஆத்மி, பாஜக அரசுகளே பொறுப்பு: தில்லி காங்கிரஸ் குற்றச்சாட்டு

தலைநகரில் சட்டம்-ஒழுங்கு முற்றிலும் சீா்குலைந்துள்ள நிலையில் குண்டுவெடிப்புகள், கொலைகள், கொள்ளைகள், மிரட்டி பணம் பறித்தல் போன்றவற்றுக்கு பாஜக, ஆம் ஆத்மி அரசுகளே பொறுப்பு என்று தில்லி பிரதே காங்கிரஸ் குற்றஞ்சாட்டியுள்ளது.

இது தொடா்பாக அக்கட்சியின் தலைவா் தேவேந்தா் யாதவ் ஞாயிற்றுக்கிழமை வெளியிட்ட அறிக்கையில் கூறியதாவது:

தில்லி ரோகினியில் உள்ள சி.ஆா்.பி.எஃப். பள்ளி அருகே நடந்த குண்டுவெடிப்புச் சம்பவம், மக்களுக்கு மற்றொரு பயங்கரமான தருணமாக அமைந்துள்ளது. ஏனெனில், தில்லி குற்றவாளிகள் சுதந்திரமாக சுற்றித் திரியும் பாதுகாப்பற்ற இடமாக மாறியுள்ளது. தில்லியில் வெடிகுண்டுகள் வைப்பது, கொலைகள், கொள்ளை, வழிப்பறி, மிரட்டி பணம் பறித்தல் போன்ற செயல்களால் சட்டம் ஒழுங்கு முற்றிலும் சீா்குலைந்துள்ளது. ஆம் ஆத்மி அரசும், மத்திய உள்துறை அமைச்சகமும் இவை அனைத்தையும் மெளனமா வேடிக்கை பாா்க்கின்றனா்.

குண்டுவெடிப்புகள், கொலைகள் மற்றும் கொள்ளை போன்ற சம்பவங்கள் அன்றாட நிகழ்வாகிவிட்டதால், சட்டத்தை அமல்படுத்தும் அமைப்புகளும் மக்களின் பாதுகாப்பை உறுதி செய்வதில் முற்றிலும் தோல்வியடைந்துவிட்டனா்.

தலைநகரில் சட்டம்-ஒழுங்கை யாரும் ஆம் ஆத்மி, பாஜக அரசுகள் கட்டுப்படுத்தாதது இவா்களுக்கு வாக்களித்த பொது மக்களின் துரதிா்ஷ்டம்.

முன்னாள் முதல்வா் அரவிந்த் கேஜரிவால், முதல்வா் அதிஷி, ஆம் ஆத்மி அமைச்சா்கள் மற்றும் பாஜக தலைவா்கள்

ஆகியோா் தில்லியின் சீரழிவுக்கு ஒருவரையொருவா் குற்றம் சாட்டி வருகின்றனா். ஆனால், தலைநகரில் அதிகரித்து வரும்

குற்றத்திற்கு முற்றுப்புள்ளி வைப்பது யாா் என்று பொதுமக்கள் வியப்படைகின்றனா் என்றாா் தேவேந்தா் யாதவ்.