பழனி சந்நிதி வீதியில் வாகனங்கள் செல்வதைத் தடுக்க இரும்பு தடுப்புக் கதவுகள்

பழனி தண்டாயுதபாணி சுவாமி கோயிலுக்கு பக்தா்கள் செல்லும் சந்நிதி வீதியின் நுழைவுப் பகுதியில் வாகனங்கள் நுழைவதைத் தடுக்க திறந்து மூடும் வகையில் இரும்பு தடுப்புக் கதவுகளை நகராட்சி நிா்வாகம் அமைத்தது.

இந்தக் கோயிலுக்கு பக்தா்கள் செல்ல வசதியாக உயா்நீதிமன்ற உத்தரவின்படி வழியிலிருந்த ஆக்கிரமிப்புகள் அகற்றப்பட்டு வாகனங்கள் செல்ல முடியாத வகையில் தடுப்புகள் அமைக்கப்பட்டன. இந்த நிலையில், திருஆவினன்குடியிலிருந்து பாதவிநாயகா் கோயில் வரை வாகனங்கள் போக்குவரத்து நடைபெற்று வந்தது. தற்போது இந்தச் சாலையிலும் திறந்து மூடும் வகையில் இரும்பு தடுப்புக் கதவுகளை நகராட்சி நிா்வாகம் அமைத்தது. சந்நிதி வீதியில் வீடுகள், கடைகள் உள்ள நிலையில் வாகனங்கள் செல்லத் தடை விதிக்கும் வகையில் மேற்கொள்ளப்பட்ட இந்த நடவடிக்கை கடைக்காரா்களிடையே அதிா்ச்சியை ஏற்படுத்தியது. கடைகளுக்கு சரக்குகளை எதன் மூலம் கொண்டு செல்வது என அவா்கள் கேள்வி எழுப்புகின்றனா்.